Dvajnoje zabojstva ŭ Asipovičach: źjavilisia novyja padazravanyja, a byłych adpuścili
Ranicaj 13 lipienia ŭ milicyju pastupiła paviedamleńnie ab tym, što ŭ pryvatnym domie znojdzieny cieły dvuch mužčyn z ahniastrelnymi ranieńniami. Ustanoŭlena, što paciarpiełymi źjaŭlajucca miascovyja žychary: 49-hadovy haspadar doma i jaho 26-hadovy plamieńnik.
Pieršapačatkova pa padazreńni ŭ ździajśnieńni zabojstva zatrymlivalisia dva miascovyja žychary, adnak paśla praviadzieńnia nieabchodnych śledčych dziejańniaŭ i atrymańnia abjektyŭnych dadzienych, jakija śviedčać ab tym, što zatrymanyja nie majuć dačynieńnia da ździajśnieńnia zabojstva, jany byli vyzvalenyja z-pad varty, piša SK.
Ciapier pa padazreńni ŭ ździajśnieńni zabojstva (č.2 art.139 Kryminalnaha kodeksa) supracoŭnikami śpiecpadraździaleńnia «Ałmaz» zatrymanyja dvoje raniej sudzimych mužčyn (1980 i 1977 hadoŭ naradžeńnia), ź imi pravodziacca śledčyja dziejańni.
U chodzie apieratyŭna-vyšukovych mierapryjemstvaŭ vyjaŭlena ahniastrelnaja zbroja, z dapamohaj jakoj, jak miarkujecca, ździejśniena złačynstva. Taksama zatrymany brat adnaho z padazravanych, jaki, jak miarkujecca, dapamahaŭ złačyncam. Rasśledavańnie praciahvajecca.
Kamientary