U Francyi znajšli padvodnuju łodku «Minierva», jakaja zatanuła ŭ Mižziemnym mory 51 hod tamu. Pra heta paviedamiła ministr abarony Francyi Fłarans Parli ŭ svaim tvitary.
«My tolki što znajšli «Miniervu». Heta pośpiech, palohka i techničny podźvih. Ja dumaju pra siemji, jakija tak doŭha čakali hetaha momantu», — napisała jana.
Dyzielnaja padvodnaja łodka «Minierva» zatanuła 27 studzienia 1968 h. ŭ Mižziemnym mory ŭ rajonie Tułona. Viadoma, što submaryna źnikła, kali była na adlehłaści prykładna 25 marskich mil (46 km) ad svajoj bazy. Ekipaž paviedamiŭ, što prybudzie na bazu na praciahu hadziny, adnak bolš na suviaź submaryna nie vychodziła. Što mienavita adbyłosia, nieviadoma.
Na borcie submaryny znachodzilisia 52 maraki.
Z momantu trahiedyi francuzskija ŭłady sprabavali znajści abłomki padłodki. U minułym hodzie svajaki zahinułych źviarnulisia da ŭrada Francyi z prośbaj adnavić pošuki. Apieracyju pa pošuku abłomkaŭ «Miniervy» adnavili u 2019 hodzie, niekatoryja źviestki pra miescaznachodžańnie padłodki byŭ pierahledžany «ŭ śviatle novych navukovych źviestak», paviedamlaje BFM TV.
Znajści abłomki submaryny dapamahło sudna Seabed Constructor, jakoje naležyć amierykanskaj hidrahrafičnaj kampanii Ocean Infinity. Jano prybyło da mierkavanaha miesca katastrofy paśla abśledavańnia dna bieśpiłotnymi aparatami.
Raniej heta kampanija znajšła zatanułuju arhiencinskuju submarynu.
-
Va Ukrainie bankir apublikavaŭ fota klijentki, jakaja prachodziła vieryfikacyju «na fonie ściaha Rasii», i trapiŭ u skandał
-
Zialenski: Ukraina ciapier maje «karty», i ŭsie heta zrazumieli
-
ZŠA źniščyli bolš za dziasiatak iranskich vajennych karabloŭ u Armuzskim pralivie, pryznačanych dla ŭstanoŭki min VIDEA
Ciapier čytajuć
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku2323
Kamientary