Minabarony: Vosieńskaja pryzyŭnaja kampanija pačniecca pavodle starych praviłaŭ
Pra heta na kruhłym stale ŭ Domie Maskvy paviedamiŭ kansultant 1-ha ŭpraŭleńnia hałoŭnaha arhanizacyjna-mabilizacyjnaha kiraŭnictva Hienštaba Andrej Murašoŭ, paviedamlaje Radyjo Svaboda
Pradstaŭnik Ministerstva abarony adznačyŭ, što najbližejšaja pryzyŭnaja kampanija pačniecca ŭ Biełarusi 1 žniŭnia, adnak źmieny ŭ zakon ab praviłach pryzyvu, jakija značna źmianšajuć kolkaść tych, chto maje prava na adterminoŭku, pakul nie padpisanyja kiraŭnikom krainy. Pavodle biełaruskaha zakanadaŭstva, źmieny ŭ praviły pryzyvu mohuć nabyć moc nie raniej, čym praz 10 dzion paśla aficyjnaha apublikavańnia novaha zakonu.
Takim čynam, pryzyŭnaja kampanija sioleta budzie prachodzić spačatku pa starych praviłach, a paśla — pa novych. U tym liku, kali Alaksandr Łukašenka padpiša novy dakumient da jaje zaviaršeńnia.
«Pryzyŭnaja kampanija padzielicca na dźvie častki, — adznačyŭ Andrej Murašoŭ. — Heta stvoryć peŭnyja składanaści ŭ pracy vajenkamataŭ».
28 červienia Pałata pradstaŭnikoŭ Nacyjanalnaha schodu pryniała ŭ druhim čytańni papraŭki ŭ zakon, jakija vyznačajuć novy paradak davańnia adterminovak ad słužby ŭ vojsku.
Kamientary