Hienprakuratura zaniepakojenaja karupcyjaj na Biełaruskaj čyhuncy
Upraŭleńnie Hienieralnaj prakuratury pa nahladzie za vykanańniem zakanadaŭstva na transparcie i ŭ mytnych orhanach praanalizavała pryčyny i ŭmovy, jakija spryjajuć karupcyjnym złačynstvam u arhanizacyjach Biełaruskaj čyhunki (dalej - BČ), paviedamlaje pres-słužba Hienprakuratury.
U pieršym paŭhodździ 2019 hoda asudžanyja 5 słužbovych asobaŭ BČ za ździajśnieńnie 23 złačynstvaŭ suprać intaresaŭ słužby: 2 rabotniki - za atrymańnie chabaraŭ, 2 - za złoŭžyvańnie słužbovymi paŭnamoctvami, 1 - za davańnie chabaru. U hety pieryjad zarehistravana 17 faktaŭ atrymańnia chabaraŭ.
U pieršym paŭhodździ 2018 hodu byli vyniesienyja i ŭstupili ŭ zakonnuju siłu abvinavaŭčyja prysudy ŭ dačynieńni da 9 asobaŭ, jakim inkryminavali 41 karupcyjnaje złačynstva.
Značnaja kolkaść takich supraćpraŭnych dziejańniaŭ u strukturach BČ ździejśnili kiraŭniki arhanizacyj i inžyniery pa materyjalna-techničnym zabieśpiačeńni ŭ śfiery zakupak tavaraŭ (rabot, pasłuh).
Na dumku prakuratury, hety vid złačynstvaŭ udvaja niebiaśpiečny: nanosicca nie tolki ekanamičny ŭron arhanizacyjam, ale i stavicca pad pahrozu biaśpiečnaja ekspłuatacyja čyhunačnaha transpartu.
Analiz pakazaŭ, što pryčyny takoj situacyi - u niedachopach sistemy arhanizacyi zakupak u BČ i adsutnaść naležnaha kantrolu z boku kiraŭnictva arhanizacyj za pracaj padnačalenych.
Jak vynik, profilnaje ŭpraŭleńnie Hienprakuratury nakiravała na imia načalnika BČ infarmacyjnuju zapisku, jakaja budzie detalova razhledžana na pasiadžeńni antykarupcyjnaj kamisii BČ. Hetuju kamisiju ŭznačalvaje niepasredna načalnik BČ.
Ciapier čytajuć
U Tajłandzie źnikła anlifanščyca ź Pinska. Jaje mahli pradać u Mjanmu5
Kamientary