Chłapcoŭ sudzili pa artykule ab raspaŭsiudzie narkotykaŭ u składzie arhanizavanaj hrupy, pa č.3 art.328. Da ich prymienienaja amnistyja — termin skaracili na 2 hady, paviedamlaje Radyjo Svaboda.
Na momant aryštu małodšamu, Jahoru S., było 15 hadoŭ. Jon vučyŭsia ŭ minskim kaledžy pradprymalnictva, kudy pastupiŭ paśla vučoby ŭ SŠ № 101. Jon asudžany na 10 hadoŭ, da jaho prymieniena amnistyja. Realny termin — 8 hadoŭ.
Viačasłavu Ł. i Andreju S. — 16 i 17 hadoŭ. Jany vučylisia ŭ SŠ № 67. Pieršamu prysudzili taksama 10 hadoŭ pazbaŭleńnia voli, realny termin z ulikam amnistyi - 8 hadoŭ. Druhomu zaličyli čystasardečnaje pryznańnie i dali na 1 hod mienš — 9 hadoŭ, realny termin — 7 hadoŭ.
Usich troch zatrymali 1 listapada 2018 hodu, i z taho času jany znachodziacca ŭ žodzinskaj turmie.
U kryminalnaj spravie fihuravali 44 epizody ab zakładkach. 38 ź ich — heta marychuana. Pavodle materyjałaŭ śledstva, maksimalnaja zakładka ŭ 54 hramy była zroblenaja ŭ lesie pad nasielenym punktam Novaja Vioska pad Minskam. Minimalnaja, na 0,09 hrama marychuany, — u žyłym domie pa praśpiekcie Haziety «Źviazda». Marychuany ŭsiaho było zakładziena bolš za 400 hramaŭ. Jašče ŭ 6 zakładkach nibyta znachodziŭsia psichatrop «Alfa PVP».
Baćki padletkaŭ buduć abskardžvać prysud.
Śledstva nie vyśvietliła, u kaho, dzie i pry jakich abstavinach chłopcy atrymlivali rečyvy: «u niavyznačanaj asoby, u niavyznačanym miescy, u niavyznačany čas».
Ciapier čytajuć
Pamierła palitźniavolenaja Alena Pankova. Paŭhoda nazad jaje asudzili za ŭdzieł u pratestach1
Pamierła palitźniavolenaja Alena Pankova. Paŭhoda nazad jaje asudzili za ŭdzieł u pratestach
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii1212
Kamientary