Hieorhij Kałdun pasprabuje svaje siły va ŭkrainskim šou «Ch-faktar»
Viadučy, śpiavak, radyjoviadučy Hieorhij Kałdun pryjšoŭ na kastynh 10 siezona ŭkrainskaha vakalnaha šou «Ch-faktar». Śpiavak raspavioŭ kanału STB, čamu mienavita ciapier vyrašyŭ pakazać svoj talent sudździam, a taksama pryznaŭsia, ci raiŭsia z nahody ŭdziełu ŭ šou z rodnym bratam — viadomym biełaruskim śpievakom Dźmitryjem Kałdunom.
Fota z sacsietak śpievaka
— Što pryviało vas na kastynh «Ch-faktara»?
— Mnie padabajecca prajekt i sam farmat. Mnie padabajecca, jak zdymaje STB, bo ja pracavaŭ tam hadoŭ 9 tamu nad prajektam «Fienomien» i bačyŭ usie pracesy znutry. Mnie 42 hady, heta ŭžo nie dziciačyja niejkija podźvihi, prosta vyrašyŭ pasprabavać. Ničoha zvyšnaturalnaha za hetym nie staić.
— Vy — čałaviek mnohich talentaŭ. Śpiavak, tele- i radyjoviadučy. Čamu vyrašylisia vyprabavać svaje siły mienavita ciapier?
— Čamu ciapier? Heta chutčej taki źbieh abstavinaŭ. U mianie vielmi šmat kancertaŭ u Biełarusi — z žyvym składam, solnych. U niejki momant zachaciełasia znajści inšuju aŭdytoryju. «Ch-faktar», niezaležna ad vyniku, daść mahčymaść prajavić siabie ŭ toj muzycy i maniery vykanańnia, u jakoj mahu niešta prademanstravać.
Hieorhij Kałdun pryjšoŭ na «Ch-faktar»
— Ci railisia z bratam Dźmitryjem pierad kastynham? Byli niejkija parady?
— Ja nikomu z rodnych ničoha nie kazaŭ. Ja nie lublu chvalicca niejkimi rečami — treba adrazu vyniki paviedamlać. My nie raimsia adzin z adnym. My dzielimsia niejkimi pryjemnymi rečami ci infarmacyjaj. U hetym płanie bolš patrebna padtrymka i analiz taho, što adbyvajecca. Dla mianie heta važniej, čym niejkija parady.
— Na što vy hatovyja dziela pieramohi na «Ch-faktary»?
— Hatovy maksimalna ŭkłaścisia va ŭdzieł prajekcie i atrymać maksimum KKD. Spadziavacca na pieramohu chočacca, jak i lubomu ŭdzielniku. Ale kazać, što heta budzie pieramoha ci śmierć — było b pierabolšańniem.
Novy siezon papularnaha ŭkrainskaha prajekta «Ch-faktar» startuje ŭžo 14 vieraśnia.
-
Jak K-pop, tolki B-pop — śpiavačka Palina Dabravolskaja zapisała novy albom na biełaruskaj i polskaj movach
-
«Jandeks Muzyku» niemahčyma słuchać». Biełarusy aburanyja abjomami cenzury praz rasijski zakon ab prapahandzie narkotykaŭ
-
Biełarusy raźmiatajuć kvitki na kancerty zumiera Vani Dźmitryjenki z Krasnajarska nie tolki ŭ Minsku, ale ŭ rehijonach
Pamierła palitźniavolenaja Alena Pankova. Paŭhoda nazad jaje asudzili za ŭdzieł u pratestach7
Kamientary