U Biełaruskim dziaržaŭnym univiersitecie płanujuć ukaranić elektronnyja zalikovyja knižki. Ich karystalnikami stanuć kala 5 tys. pieršakurśnikaŭ i mahistrantaŭ BDU ŭsich form navučańnia, paviedamlaje pres-słužba ŭniviersiteta.
U BDU taksama raźličvajuć, što ŭkaranieńnie elektronnaj zalikoŭki daść mahčymaść značna sekanomić za košt vykarystańnia isnujučych va ŭniviersitecie sučasnych ličbavych technałohij i admovy ad papiarovaj viersii.
IT-inavacyja vykonvaje ŭsie funkcyi svajho papiarovaha pratatypu i značna spraščaje padrychtoŭku spravazdačnaj dakumientacyi i analiz paśpiachovaści. Akramia taho, maładyja ludzi i ich baćki ŭ luby čas na kampjutary, płanšecie abo smartfonie zmohuć atrymać dostup praz asabisty kabiniet studenta da prahladu ekzamienacyjnych acenak za ŭvieś pieryjad navučańnia. Taksama jana vyzvalaje studentaŭ ad nieabchodnaści zamieny papiarovaha dakumienta pry jaho paškodžańni abo stracie.
Na pačatkovym etapie ŭkaranieńnia elektronnych zalikovak vykarystańnie papiarovych viedamaściej zachavajecca. U dalejšym płanujecca poŭnaja aŭtamatyzacyja pracesu atestacyi. Srodkam identyfikacyi na ekzamienie stanie studencki bilet.
Raspracoŭščykam navacyi vystupiŭ Centr infarmacyjnych technałohij BDU.
Ciapier čytajuć
Zahinuŭ biełaruski dobraachvotnik Alaksiej Łazaraŭ12
Kamientary