Jak u amierykanskich filmach: u Starych Darohach złavili ŭhonščyka-niaŭdačnika
Ranicaj u milicyju Starych Daroh źviarnułasia žančyna: jana žyvie ź siamjoj u šmatkvaternym domie ź nieachoŭnaj stajankaj, dzie načuje bardovaja «kapiejka», paviedamlaje pres-słužba milicyi.
Nočču jaje dačka ŭ akno ŭbačyła siłuet čałavieka ŭ dvary. Čałaviek prabraŭsia ŭ «Žyhuli», zavioŭ mator i pačaŭ ruchacca. Haspadar nie razhubiŭsia i vybieh na vyratavańnie siamiejnaj relikvii. Jon schapiŭ złodzieja za adzieńnie, ale toj irvanuŭ napierad i navat praciahnuŭ piensijaniera pa ziamli niekalki mietraŭ.
U vyniku nie spraviŭsia z kiravańniem i ŭrezaŭsia ŭ piaredni aŭtamabil, adkryŭ dźviery i źbieh.
Supracoŭniki kryminalnaha vyšuku vyśvietlili, što padobny kradziež sprabavali ździejśnić u susiednim domie na toj ža vulicy: u try hadziny nočy nieviadomy pranik na terytoryju dvara i zalez u sałon «Falksvahiena». Adnak nie zdoleŭ zavieści aŭto.
Niaŭmiełym vykradalnikam akazaŭsia 19-hadovy chłopiec. Jamu pahražaje pakarańnie ad štrafu da pazbaŭleńnia voli na termin da 5 hadoŭ.
«Jana nie vyhladała ščyraj, była ŭ mascy». Paŭlučenka pra sustreču Kaleśnikavaj ź biełaruskimi žurnalistami12
Kamientary