U adnoj anhlijskaj škole ŭviali «hiendarna niejtralnuju» formu, zabaraniŭšy dziaŭčynkam chadzić u spadnicach. Dzieci i baćki pratestujuć
Kala 150 vučniaŭ i ich baćkoŭ vyjšli pratestavać suprać uviadzieńnia «hiendarna niejtralnaj» formy ŭ siaredniaj škole horada Ljuis va Uschodnim Saseksie ŭ Anhlii, piša BBC.
Z novaha navučalnaha hoda škoła zrabiła našeńnie štanoŭ abaviazkovym dla ŭsich vučniaŭ — jak dla chłopčykaŭ, tak i dla dziaŭčynak.
Administracyja navučalnaj ustanovy kaža, što da hetaha kroku jaje padšturchnuli aściarohi nakont daŭžyni spadnic u dziaŭčynak; akramia hetaha, novyja praviły ŭ bolšaj stupieni ŭličvajuć patreby niekalkich školnikaŭ-transhiendaraŭ, jakija vučacca ŭ hetaj škole.
Niezadavolenyja novymi praviłami ličać, što vučni pavinny mieć prava vybaru, i adznačajuć, što ŭžo kuplenaja forma ciapier prapadzie darma.
Były vučań škoły, televiadučy Pirs Morhan vykazaŭ u «Tvitary» salidarnaść z pratestoŭcami. Pavodle jaho słoŭ, «hiendarna-niejtralnaje varjactva» vyjšła z-pad kantrolu, i dziaŭčynki pavinny być dziaŭčynkami, a chłopčyki — chłopčykami.
Člen parłamienta ad Ljuisa, kansiervatar Maryja Kołfiłd napisała ŭ «Tvitary»: «Vielmi zaniepakojena tym, što škoła nie puskaje na ŭroki dziaŭčynak za toje, što tyja chočuć nasić spadnicy, i pahražaje im palicyjaj. Nie tak treba stavicca da maładych žančyn Ljuisa».
U 2017 hodzie hetaja škoła ŭviała zabaronu na spadnicy dla novych vučanic, jakija pastupajuć u škołu, a z hetaj piatnicy zabarona była raspaŭsiudžana na ŭsich.
Tych, chto nie budzie prytrymlivacca pravił, buduć adpraŭlać dadomu pieraapranacca i tolki paśla hetaha dapuskać u budynak škoły.
Ciapier čytajuć
Ananimy — historyi biełarusaŭ, jakim prychodzicca šyfravacca, bo režym ličyć ich dziejnaść «kryminałam»10
Ananimy — historyi biełarusaŭ, jakim prychodzicca šyfravacca, bo režym ličyć ich dziejnaść «kryminałam»
Viadomy partret Kahanca akazaŭsia savieckim fejkam, zatoje znajšłosia adzinaje fota archieołaha Tatura. Razhadanyja fotatajamnicy Biełaruskaha muzieja ŭ Vilni
Kamientary