Piłot rasijskaha prezidenckaha borta Ił-96 Uładzimir Fiadoruškin ŭ efiry NTV raspavioŭ pra ekstremalnuju pasadku samalota z Uładzimiram Pucinym na borcie, piša rbc.ru.
Pavodle jaho słoŭ, samalot vykonvaŭ rejs Maskva - Sankt-Pieciarburh. Nadvorje ŭ abodvuch haradach była vielmi drennaje dla piłatavańnia: nizkaja vobłačnaść, zaleva, bakavy viecier, adznačyŭ Fiadoruškin.
«Uźlatali va Unukava i na ešałonie dzieści 5,5-6 tys. m my trapili ŭ dzikuju hojdanku», - skazaŭ piłot. Pa słovach Fiadoruškina, za 40 hadoŭ palotaŭ jon nie traplaŭ u takija ŭmovy.
«U nas całkam vybiła aŭtapiłot, rul pavarotu byŭ abmiežavany na adnu tracinu chodu […] My až da 9 tys. nabirali, i nas chitała tak, što, kab nie pryšpilenyja byli, sapraŭdy b hałavoj u stoli apynulisia. Pierahruzki byli vielmi mocnyja», - raspavioŭ Fiadoruškin. U Pieciarburhu taksama była nizkaja vobłačnaść i mocny doždž, «na pałasie praktyčna vada», adznačyŭ piłot.
Rul pavarotu, jakim treba vytrymlivać kirunak paśla pasadki, adchilaŭsia ŭsiaho na tracinu. Vierahodnaść źlacieć z pałasy była adsotkaŭ 90, skončyŭ Fiadoruškin.
Paśla pasadki Pucin vyklikaŭ piłota ŭ kabiniet, «spytaŭ, što heta było».
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»32
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić1010
Kamientary