SK raspavioŭ padrabiaznaści traŭmavańnia hrodzienca, jakoha nibyta źbiŭ AMAP i jakomu amputavali častku jahadzicy

Adna z rezanansnych historyj žniŭnia — abvinavačvańni na adras milicyi ŭ źbićci 36-hadovaha haradzienca Dzianisa Łukjanava. Jaho zatrymali na aŭtamabilnym fiestyvali 20 lipienia ŭ stanie mocnaha ałkaholnaha apjanieńnia. Praz dva tydni jon byŭ špitalizavany, a stryječnaja siastra śćviardžała, što brata źbili amapaŭcy, u vyniku čaho jon trapiŭ u reanimacyju, dzie jamu častkova amputavali častku jahadzicy.

Jak paviedamiła «Našaj Nivie» aficyjny pradstaŭnik SK Julija Hančarova, upraŭleńniem pa Hrodzienskaj vobłaści byli vyśvietlenyja abstaviny atrymańnia cialesnych paškodžańniaŭ Dzianisam Łukjanavym. Śledčymi byli apytanyja mužčyna, jaho svajaki, kalehi i znajomyja, a taksama supracoŭniki orhanaŭ unutranych spraŭ i miedycynskija rabotniki.

Mužčyna sam raspavioŭ, što padziei, jakija adbyvalisia na fiestyvali 20 lipienia, pamiataje ćmiana, frahmientami. Da fiestyvalu i niepasredna padčas jaho jon vypivaŭ, ad čaho mocna apjanieŭ. Byŭ zatrymany supracoŭnikami milicyi prykładna ŭ 18:00, paśla čaho ŭ 19.37 praviedzieny miedycynski ahlad. Vynik — kala 3 pramile ałkaholu.

Adnak śledčyja nie vyjavili inšych asob, jakija stali vidavočcami mahčymaha prymianieńnia fizičnaj siły supracoŭnikami milicyi. Kali jaho dastavili ŭ pałatku ź milicyjaj, tam znachodziłasia žančyna. Jana raspaviała, što padčas jaje znachodžańnia u pałatcy, mužčyna siadzieŭ na łaŭcy i dramaŭ. U jaje prysutnaści nichto z supracoŭnikaŭ milicyi da jaho fizičnuju siłu i śpiecsrodki nie ŭžyvaŭ.

Taksama stała viadoma, što dachaty mužčyny chutkaja trojčy vyjazdžała na vykliki, ale rabiłasia heta 8 i 9 žniŭnia. 9 žniŭnia Łukjanaŭ byŭ špitalizavany.

Vyjaviłasia, što prykładna 30-31 lipienia mužčyna paśla vychadu z kvatery znajomaj paśliznuŭsia i ŭpaŭ na jahadzicy na leśvicy na pieršym paviersie padjezda doma. Sa słoŭ jaho samoha, jon paśliznuŭsia, i prajechaŭ jahadzicami pa prystupkach.

Taksama stała viadoma, pavodle materyjałaŭ pravierki, što padčas aŭtafiestyvala mužčyna tancavaŭ, budučy ŭ stanie ałkaholnaha apjanieńnia, pierad dziećmi i pakazaŭ nieprystojny žest. Adzin z naviedvalnikaŭ šturchnuŭ jaho ŭ plačo, ad čaho jon upaŭ na ziamlu na śpinu i zatym jaho praciahnuli kala 15 mietraŭ da rabotnikaŭ milicyi. U suviazi z tym, što mužčyna šmat čaho nie pamiataje, jon nie vyklučaje, što sam pamylaŭsia, chto mienavita nanios jamu ŭdary.

Ranicaj 8 žniŭnia i 9 žniŭnia jon tłumačyŭ miedrabotnikam, što adčuvaje mocnyja boli paśla bytavoj traŭmy kopčyka. Jon paviedamiŭ, što ŭpaŭ 2 žniŭnia ŭ vannaj na ślizkaj plitcy doma na zadniuju častku cieła. U chodzie miedahladu 8 žniŭnia fielčaram jakich-niebudź bačnych cialesnych paškodžańniaŭ na ciele vyjaŭlena nie było, a 9 žniŭnia miedykami dyjahnastavany ŭdary i mužčyna byŭ špitalizavany.

Simptomy hrodzienca z amputavanaj častkaj nahi nahadvajuć «sindrom praciahłaha ściskańnia», ułaścivy pjanym. Što heta takoje?

• 0
• 0
• 0
• 0
• 0
• 0
• 0
• 0