Kanhres ZŠA pryznaŭ hienacydam źniščeńnie armian u Asmanskaj impieryi
Pałata pradstaŭnikoŭ ZŠA ŭ paniadziełak pryniała rezalucyju ab pryznańni hienacydu armian. Niahledziačy na toje što rezalucyja maje rekamiendacyjny charaktar, hety krok kanhresmienaŭ moža surjozna ŭskładnić adnosiny ZŠA i Turcyi, piša bbc.com.
Za rezalucyju prahałasavali 405 členaŭ pałaty, 11 vykazalisia suprać. Kanhresmieny pryznajuć, što paskorany razhlad rezalucyi vyklikany kryzisam u adnosinach z Ankaroj z-za tureckaj apieracyi na poŭnačy Siryi.
Kiraŭnik MZS Turcyi Mieŭlut Čavušahłu nazvaŭ rašeńnie amierykanskich kanhresmienaŭ sprobaj «vykarystoŭvać historyju dla dasiahnieńnia palityčnych metaŭ».
Čakajecca, što aficyjnaja Ankara adkaža na pryznańnie hienacydu zajavaj svajho pasła ŭ Vašynhtonie, jaki raniej nazvaŭ tekst dakumienta poŭnym biespadstaŭnych abvinavačvańniaŭ.
Masavyja departacyi i zabojstvy armianaŭ na terytoryi Asmanskaj impieryi ŭ 1915 hodzie pryznanyja hienacydam ŭ Rasii, Hiermanii, Francyi, Kanadzie i šerahu inšych krain śvietu. Adnak Turcyja niaźmienna pratestuje suprać takoj traktoŭki, i ŭśled za joj urad ZŠA pierš paźbiahaŭ nazyvać hetyja padziei hienacydam.
Ciapier čytajuć
Ananimy — historyi biełarusaŭ, jakim prychodzicca šyfravacca, bo režym ličyć ich dziejnaść «kryminałam»10
Ananimy — historyi biełarusaŭ, jakim prychodzicca šyfravacca, bo režym ličyć ich dziejnaść «kryminałam»
Viadomy partret Kahanca akazaŭsia savieckim fejkam, zatoje znajšłosia adzinaje fota archieołaha Tatura. Razhadanyja fotatajamnicy Biełaruskaha muzieja ŭ Vilni
Kamientary