Łukašenka ŭ kancy tydnia palacić u Sočy na sustreču z Pucinym. Źmiest intehracyjnych dakumientaŭ pa-raniejšamu nie ahučvajuć
Mierkavana, što 6 śniežnia Alaksandr Łukašenka lacić u Sočy na sustreču z Uładzimiram Pucinym.
Pra heta ŭ tvitary napisaŭ hałoŭny redaktar «Echo Moskvy» Alaksiej Vieniadziktaŭ. Na 6 śniežnia ŭ Vieniadziktava było zapłanavanaje intervju z Łukašenkam.
«Alaksandr Łukašenka ssunuŭ naša intervju. 6 śniežnia (u pryznačany dzień) prezident Biełarusi lacić u Sočy. Pucin zamiest Vieniadziktava», — napisaŭ Vieniadziktaŭ.
Aleksandr Łukašienko sdvinuł našie intierv́ju. 6 diekabria (v naznačiennyj dień) priezidient Biełarusi letit v Soči.
Putin vmiesto Vieniediktova
Telehram-kanał «Puł pieršaha» ŭdakładniaje, što sustreča Łukašenki i Pucina projdzie 7 śniežnia.
Pres-sakratar Natalla Ejsmant udakładniła:
«Heta ŭžo, napeŭna, nie sakret — sustreča prezidentaŭ Biełarusi i Rasii, jak płanujecca, adbudziecca ŭ kancy hetaha tydnia. Da hetaha čarhovy raŭnd pieramovaŭ praviaduć premjery, zatym jany dałožać ab vynikach pracy kiraŭnikam dziaržaŭ. Paśla čaho i adbudziecca asnoŭnaja sustreča, ab jakoj tak šmat ciapier kažuć».
Raniej paviedamlałasia, što da 8 śniežnia pavinna prajści sustreča Łukašenki i Pucina z padpisańniem «darožnych kartaŭ» pa pytańniach intehracyi dźviuch dziaržavaŭ. Adnak na čym kankretna nastojvaje Rasija, dahetul nieviadoma. Pieramovy adbyvajucca ŭ abstanoŭcy sakretnaści, źmiest dakumientaŭ nie ahučvaŭsia.
Ciapier čytajuć
«Jana nie vyhladała ščyraj, była ŭ mascy». Paŭlučenka pra sustreču Kaleśnikavaj ź biełaruskimi žurnalistami21
Kamientary