Frakcyja Piatra Parašenki prapanavała zabaranić pastaŭki elektraenierhii ź Biełarusi

U Viarchoŭnaj Radzie Ukrainy 4 śniežnia ahučana prapanova frakcyi Piatra Parašenki zabaranić pastaŭki elektraenierhii z Rasii i Biełarusi, piša Radyjo Svaboda.

Kolišniaja vice-premjerka ŭkrainskaha ŭrada, deputat frakcyi partyi Piatra Parašenki «Jeŭrapiejskaja salidarnaść» Ivana Klimpuš-Cyncadze ličyć, što adnaŭleńnie pastavak elektraenierhii ź Biełarusi i Rasii pahražaje nacyjanalnaj biaśpiecy Ukrainy i prapanuje na zakanadaŭčym uzroŭni zabaranić takija apieracyi.

«Ukraina patrabuje ad zachodniaha śvietu sankcyj suprać Rasijskaj Fiederacyi, u toj ža čas sama, nasupierak hetym sankcyjam, pačała nabyvać rasijskuju elektraenierhiju. A siońnia, pry dapamozie čarhovaj źmieny (u zakon pra rynak elektraenierhii) budzie praciahvać nabyvać elektraenierhiju ŭ Biełarusi. Ja chaču nahadać, što takim čynam, my z enierhadeficytnaj krainy budziem pastaŭlać tuju ž rasiejskuju enierhiju z atamnaj stancyi, jakaja pabudavana na rasiejskija hrošy», — zajaviła Ivana Klimpuš-Cyncadze siońnia ŭ parłamiencie.

Deputatka padkreśliła, što pryjarytetam ukrainskaj enierhasistemy jość abjadnańnie ź jeŭrapiejskaj enerhietyčnaj systemaj. Pavodle Klimpuš-Cyncadze, prapanovy frakcyi «Jeŭrapiejskaja salidarnaść» jość žyćciova važnymi dla Ukrainy:

«Kali my ich nie ŭchvalim, to pastavim pad pahrozu našu nacyjanalnuju enierhietyčnuju biaśpieku. Ja vielmi prašu vas padtrymać hetyja źmieny».

Biełaruś ciaham lipienia-kastryčnika stała najbolšym pastaŭščykom elektraenierhii va Ukrainu — ukrainskija spažyŭcy atrymali 644,9 miljona kiłavat·hadzin biełaruskaj enierhii. Ale ŭ noč z 30 listapada na 1 śniežnia Ukraina spyniła pastaŭki elektraenierhii ź Biełarusi. Aficyjnaj pryčyna — jana stała daražejšaja, čym na ŭnutranym ukrainskim rynku.

U listapadzie Ministerstva enierhietyki i achovy navakolla Ukrainy paviedamiła, što ŭ prahnoznym bałansie elektryčnaj enierhii Abjadnanaj elektryčnaj sistemy Ukrainy ŭ 2020 hodzie praduhledžany zakup u Biełarusi 2,1 miljarda kiłavat·hadzin elektraenierhii. Heta amal tracina ad zapłanavanaha ŭ nastupnym hodzie abjomu vytvorčaści elektraenierhii BiełAES.

Zhodna z Kancepcyjaj enierhietyčnaj biaśpieki Biełarusi, BiełAES u 2020 hodzie budzie vypracoŭvać 7,1 miljarda kiłavat·hadzin. Pry hetym ahulny abjom vytvorčaści elektraenierhii ŭ Biełarusi, jak miarkujecca, składzie 39,9 miljardaŭ kiłavat·hadzin.

• 0
• 0
• 0
• 0
• 0
• 0
• 0
• 0