Kiraŭnik Chryścijanskich demakrataŭ Pavieł Sieviaryniec zaklikaŭ ludziej praciahnuć pratesty. Na dumku palityka, suprać «pahłyblenaj intehracyi» treba pratestavać da, a nie paśla, i nastojliva.
U subotu na płošču ŭ Minsku vyjšła kala tysiačy čałaviek. Choć akcyja i nie była sankcyjanavanaja, jana prajšła spakojna i mirna, kali nie ličyć incydenta z pjanym pravakataram, jakoha skrucili demanstranty. Manifiestanty prajšli šeściem praśpiektam Niezaležnaści i vulicami staroha horada. Siłavyja struktury manifiestantam nie pieraškadžali.
Sieviarynca padtrymali aktyvisty inšych nacyjanalnych inicyjatyŭ i palityčnych sił, jakija vystupili ŭ subotu. Jany spadziajucca, što ŭ niadzielu pratest źbiare bolš ludziej i heta stanie sihnałam ab pazicyi biełaruskaha hramadstva jak dla ŭładaŭ Biełarusi, tak i dla śvietu.
Zakliki da novaj akcyi pratestu ŭ niadzielu raspaŭsiudžvajucca taksama ŭ telehram-kanałach, u fejsbuku, instahramie i ŭkantakcie. Ludzi dzielacca svaimi fotami i videa ź siońniašniaha pachodu.
Videastrymy z subotniaj akcyi pratestu za niapoŭnyja vosiem hadzin sabrali ŭžo bolš za 200 tysiač prahladaŭ. Žurnalisty abiacajuć aśviatlać i zaŭtrašniuju akcyju.
Kamientary