Biełaruskuju ŭdzielnicu mižnarodnaha konkursu pryhažości ŭ Vjetnamie pakusała małpa
Alina Voŭčanka pradstaŭlaje Biełaruś na mižnarodnym konkursie pryhažości Miss Extreme World 2019.
Hetymi dniami finał šou jakraz adbyvajecca ŭ Vjetnamie. U prahramie, akramia asnoŭnaha konkursu, šmat mierapryjemstvaŭ. Udzielnicam pakazali krainu va ŭsioj pryhažości: zavieźli ŭ rybackija vioski, dzie častavali marskimi dalikatesami, katali na kvadracykłach pa akijanie, ładzili fotasiesii na vostravie archidej.
Adnym ź mierapryjemstvaŭ było naviedvańnie vostrava małpaŭ. Małpy tam naležać da dvuch vidaŭ: makak-rezus i makak-krabažer. Jany lohka iduć na kantakt z turystami.
«Tam ich sotni. I hałoŭny atrakcyjon — ich pakarmić. Arhanizatary nas papiaredzili, jak pavodzić siabie, kali małpa ŭkusić abo ŭskočyć na ciabie. Kab małpa adyšła, dastatkova pakazać im pustyja dałoni, i jany imhnienna zhubiać cikavaść. Ale tak zdaryłasia, što małpa ŭkusiła mienavita mianie, doktara-epidemijołaha», — raskazvaje Alina Voŭčanka.
Pad viečar u Aliny apuchła ruka i padniałasia tempieratura. Alina źviarnułasia ŭ balnicu.
Alinie zrabili pryščepku i adpuścili na konkurs.
U hety ž viečar Alina Voŭčanka atrymała karonu vice-mis Miss Extreme World 2019.
Siońnia Alina viartajecca dadomu, ale pierad samalotam jašče raz vymušanaja była zabiehčy ŭ balnicu, zrabić jašče adnu pryščepku.
«U mianie aformlenaja strachoŭka, tamu ja nie asabliva chvalujusia, što budzie i da čaho. I jašče raz chaciełasia b usim nahadać: dumajcie pra svaju biaśpieku! Nikoli nie viedaješ, dzie i jakaja małpa ciabie pakusaje», — kaža Alina Voŭčanka.
Ciapier čytajuć
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj34
Kamientary