U Hančara na nazie sapraŭdy nie było dvuch palcaŭ. Labiedźka paćvierdziŭ słovy byłoha śpiecnazaŭca
U apublikavanym siońnia interviju Deutsche Welle (Niamieckaja chvala) eks-sobraviec Juryj Haraŭski śćviardžaŭ, što ŭ Viktara Hančara nie było dvuch palcaŭ na nazie.
«U Hančara na levaj nazie ci pravaj, dakładna nie pamiataju, nie było vialikaha i ŭkazalnaha palcaŭ» — skazaŭ jon. Pavodle Haraŭskaha heta jon ŭbačyŭ, kali ŭžo zabitych Viktara Hančara i Anatola Krasoŭskaha raździeli pierad tym, jak zakapać ŭ jamie. Što viadoma, ci sapraŭdy ŭ Hančara nie chapała palcaŭ na nazie?
Hetyja źviestki Svabodzie paćvierdziŭ palityk Anatol Labiedźka, jaki ŭ 1990-ja hady byŭ deputatam Viarchoŭnaha Savietu razam z Hančarom. «Tak, heta dakładna. Palcaŭ na nazie nie dastavała, heta ja sam bačyŭ. Zdajecca, na levaj. Sprava była ŭ łaźni. Ale pra pryčyny, što zdaryłasia, nie pytaŭsia», — raspavioŭ Svabodzie Anatol Labiedźka.
Pra toje, što Viktar Hančar zvyčajna nasiŭ u łaźni humovyja tapački, paviedamiła žonka źnikłaha razam z Hančarom siabra, biznesoŭca Anatola Krasoŭskaha, Iryna Krasoŭskaja. Pra heta jana zhadała ŭ dopisie da svajoj siabroŭki Śviatłany Zavadzkaj. Bolš kamentavać hetyja źviestki Iryna Krasoŭskaja admoviłasia.
Ciapier čytajuć
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?21
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci44
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci4
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3333
Kamientary