Vypadak z 16-hadovaj Aryjanaj zdaryŭsia napiaredadni Novaha hoda.
Prykładna ŭ 20:45 Aryjana viartałasia sa škoły razam sa svajoj siastroj. Siastra pajechała da prypynku, jaki znachodziŭsia la doma, a Aryjana vyjšła na adzin prypynak raniej, la mahazina. Tam dziaŭčynka zaŭvažyła mužčynu, jaki pajšoŭ za joj.
Kali jana padychodziła da bramy svajho doma, mužčyna raptam nakinuŭsia na dziaŭčynu zzadu i staŭ dušyć.
Aryjana mocna zakryčała, mužčyna pavaliŭ jaje na asfalt. Ale byccam spałochaŭsia, bo la doma daroha, pa joj časta jeździać mašyny. Aryjana vyrvałasia, pabiehła dadomu, pra ŭsio raskazała svajmu tatu.
Tata dziaŭčyny kinuŭsia za napadnikam. Jon dahnaŭ jaho la toj samaj kramy, ad jakoj mužčyna pačaŭ iści za jaho dačkoj.
Hazieta «Paleskaja praŭda» piša, što napadniku 21 hod, u jaho pry sabie byŭ nož, i jaho metaj było zabrać u dziaŭčynki sumku z hrašyma.
Ale nasamreč, kažuć baćki dziaŭčynki, jon nie vyryvaŭ rečy, nie pahražaŭ zbrojaj. I nož u jaho znajšli ŭ kišeni tolki milicyjaniery, što pryjechali na vyklik.
21-hadovy napadnik žyvie na susiedniaj vulicy. Kažuć, maje prablemy ź psichikaj.
Kamientary