ZŠA i Kitaj padpisali handlovaje pahadnieńnie. Na ŭmovach Vašynhtona
Prezident ZŠA Donald Tramp i vice-premjer Dziaržsavieta Kitaja Lu Che padčas cyrymonii ŭ Biełym domie padpisali častkovaje handlovaje pahadnieńnie. Tramp nazvaŭ pahadnieńnie «histaryčnym», paviedamlajuć CNN i Fox.
Tramp u čarhovy raz zajaviŭ, što niespraviadlivaja handlovaja palityka Kitaja škodziła amierykanskim kampanijam na praciahu dziesiacihodździaŭ. Na jaho dumku, pahadnieńnie pryniasie «vielizarnyja vyhady dla abiedźviuch krain».
«Kitaj uziaŭ na siabie istotnyja abaviazacielstvy ŭ adnosinach da abarony amierykanskich idej, kamiercyjnaj tajamnicy, patentaŭ i handlovych marak… Kitaj taksama budzie rašuča zmahacca z raspaŭsiudžvańniem pirackich i kantrafaktnych tavaraŭ, što źjaŭlajecca vialikaj prablemaj dla mnohich ludziej u zale», — adznačyŭ jon.
Vice-premjer Dziaržsavieta KNR Lu Che padčas cyrymonii začytaŭ list ad Si Czińpina. Kiraŭnik Kitaja adznačyŭ, što zaklučeńnie papiaredniaha handlovaha pahadnieńnia vyhadna ZŠA, Kitaju i śvietu.
U ramkach damoŭlenaści ZŠA admianili zapłanavanaje na 15 śniežnia ŭviadzieńnie 15%-nych mytaŭ na šerah tavaraŭ z Kitaja na sumu $160 młrd. Akramia taho, 15%-nyja myty na tavary kitajskaha impartu koštam $120 młrd buduć źnižany da 7,5%. Piekin u adkaz paabiacaŭ u 2020-2021 hadach pavialičyć na $200 młrd impart tavaraŭ i pasłuh z ZŠA. Heta dapamoža skaracić deficyt handlovaha bałansu ZŠA z KNR, jaki dasiahnuŭ piku ŭ $420 miljardaŭ u 2018 hodzie.
Kamientary