Žychary šmatkvaternaha doma ŭ indyjskim horadzie Čałakudy paskardzilisia ŭładam, što nie mohuć pamycca i nabrać pitnoj vady, tamu što ź ich kranaŭ ljecca ałkahol, piša Bi-Bi-Si. Jon trapiŭ u adkryty kałodziež i prasačyŭsia ŭ vadapravod.
Akazałasia, što šeść hadoŭ tamu pobač z domam znachodziŭsia bar. Jon daŭno začyniŭsia, a ŭsio śpirtnoje było kanfiskavana i apiačatana. Tolki na minułym tydni čynoŭniki horada atrymali dazvoł na jaho ŭtylizacyju. Jany nie prydumali ničoha lepšaha, čym vylić 6000 litraŭ ałkaholu ŭ jamu pobač z kałodziežam.
Spačatku bližejšy žyły dom prosta prapach śpirtam, a potym z kranaŭ paliłasia sumieś likioru, piva, brendzi, romu i vady.
Śvidravinu pačali čyścić ad śpirtnoha, a paciarpiełym arhanizavali dastaŭku pitnoj vady. Žychary patrabujuć pakarańnia dla čynoŭnikaŭ: pierad utylizacyjaj jany pavinny byli pakłapacicca pra toje, kab nie nanieści škodu ludziam i navakollu.
-
«Zaličanaja pa niestandartnaj pracedury». Stała viadoma, jak ščodra padmazvaŭ Epštejn univiersitet, u jakim vučyłasia Karyna Šulak
-
Rubia ŭ apošni momant admianiŭ sustreču ź lidarami Jeŭropy ab pytańni Ukrainy
-
Studzień 2026 hoda ŭvajšoŭ u piaciorku samych ciopłych pieršych miesiacaŭ hoda ŭ śviecie. Jak heta ni dziŭna dla biełarusaŭ
«Jana nie vyhladała ščyraj, była ŭ mascy». Paŭlučenka pra sustreču Kaleśnikavaj ź biełaruskimi žurnalistami12
Kamientary