Volha Kavalkova: Patryjarchalnaje hramadstva daje svaje płady — žančyna ŭsprymajecca jak niešta pryhožaje
36-hadovaja chryścijanskaja demakratka Volha Kavalkova, jakaja płanuje ŭziać udzieł u apazicyjnym prajmieryz i pazmahacca za status adzinaha kandydata, padzialiłasia ŭ svaim fejsbuku dumkami nakont prafiesijanalizmu i pryhažości.
Pra prafiesijanalizm i pryhažość, ci pra palityku i erotyku.
Pahladzicie na fota. Kaho vy bačycie?
Heta ja. Ja žančyna. I mnie heta padabajecca. Dziakuj Bohu, baćkam i sabie za talenavitaść, rozum, prafiesijnaść, metanakiravanaść, samaironiju, pačućcie humaru i pryhažość.
Ja lublu kamplimienty tak, jak ich lubiać mužčyny. My šmat u čym padobnyja.
Ale časta, u pieršuju čarhu, bačać tvaju vonkavuju pryhažość. Patryjarchalnaje hramadstva daje svaje płady — žančyna ŭsprymajecca jak niešta pryhožaje i štości tam «havaraščaje», ludzi nie dumajuć, što voś heta pryhožaje ŭtvareńnie moža być jašče i prafiesijanałam — dobrym jurystam, ekanamistam, palitykam, dyrektaram, prezidentam… I navat, kali ty ich pierakanaješ, jany buduć usimi siłami sprabavać pra heta zabyć. Bo, jak tak? Jana ž žančyna — jana stvorana dla inšaha.
I kali ty chočaš mieć mahčymaść ŭpłyvać na pryniaćcie rašeńniaŭ, farmavać svaju paviestku, to, u adroźnieńni ad mužčyny, tabie pryjdziecca prajści doŭhi šlach. Žančynam našmat składaniej za mužčyn dasiahnuć takoha ž prafiesijnaha pryznańnia — ty musiš šeść, siem razoŭ dakazać, što ty maješ racyju, kab da ciabie pačali prysłuchoŭvacca. Kali ŭ palityku pryjdzie aktyŭny i «naporysty» mužčyna, to spatrebicca hod (a moža i mieniej), kab da jaho pačali prysłuchoŭvacca, a kali žančyna, to 4-5 hadoŭ. Ja hety šlach prajšła, ale nie mnohija žančyny mohuć vytrymać hetki cisk. I ja dumaju, što bolšaść žančyn chacieli b, kab ich usprymali ŭ pieršuju čarhu hłybokimi i prafiesijnymi, a ŭ druhuju ci treciuju — pryhožymi.
Što dla hetaha treba? Nie pościć pazityŭnyja fota z adpačynku ci fota ŭ jakich chtości moža ubačyć erotyku? Pisać tolki hruntoŭnyja prafiesijnyja pasty? Nie žartavać, a być zaŭždy surjoznymi? Nie, pryhožy ci seksualny prafiesijanał nie stanovicca mienšym prafiesijanałam. Heta treba «priniať i prostiť».
Darahija našy lubimyja mužčyny: my stvoranyja fizijałahična roznymi, ale adnolkavymi ŭ svaim pryznačeńni. I kožnaja z nas adčuvaje i vybiraje heta pryznačeńnie sama. I sam. I tut my roŭnyja.
Ciapier čytajuć
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?18
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci33
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci3
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3232
Kamientary