Apazicyja spyniaje prajmieryz na paŭmiesiaca. Ale nie buduć uhavorvać Sieviarynca viarnucca
Rada kampanii Narodnaha hałasavańnia (prajmieryz) pryniała rašeńnie ab prypynieńni z 18 sakavika pa 2 krasavika rehijanalnych pajezdak kandydataŭ u suviazi z pahrozaj raspaŭsiudu karanavirusa, pra heta «NN» paviedamiŭ vykanaŭca abaviazkaŭ kiraŭnika štabu Alaksiej Sihajeŭ.
Adnak zapłanavanaja sustreča ŭ Baranavičach usio ž adbudziecca zaŭtra, 17 sakavika, a 18:00 pa adrasie vuł. Kamsamolskaja, 23 (bankietny zał). Dalej na dva tydni prajmieryz prypynicca.
«U nas zastajecca praca piaci struktur, BCHD nie vychodzić z pracedury. Prapanova Paŭła Sieviarynca zaklučałasia ŭ tym, kab spynić prajmieryz užo ciapier i zajmacca arhanizacyjaj bajkotu, hetaja prapanova nie prajšła», — havoryć Sihajeŭ.
Ci źbirajucca arhanizatary ŭhavorvać Paŭła Sieviarynca viarnucca ŭ praceduru?
«Navošta ŭhavorvać, kali takoje rašeńnie pryniataje? My atrymali ad Paŭła aficyjnuju zajavu, u jakoj jon piša, što ličyć niemahčymym svoj dalejšy ŭdzieł u prajmieryz».
Na siońnia apazicyja vyrašyła spynić padrychtoŭku sustrečy z vybarcami ŭ Minsku, jakaja musiła adbycca 20 sakavika.
Pavieł Sieviaryniec paviedamiŭ «NN», što nie budzie źmianiać svajho rašeńnia paśla taho, jak prajmieryz usio ž vyrašyli prypynić na dva tydni.
Lidar Partyi BNF Alaksiej Janukievič choć i padtrymlivaŭ Sieviarynca ŭ jahonych prapanovach adnosna karancinu, pakul nie pryniaŭ rašeńnia ab svaim sychodzie z pracedury pieradvybaraŭ.
Lidar Ruchu «Za Svabodu» Juraś Hubarevič admaŭlajecca kamientavać rašeńnie Paŭła Sieviarynca, pa kamientary jon nakiroŭvaje da Alaksieja Sihajeva.
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza15
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1616
Kamientary