Karystalniki sacyjalnych sietak zaŭvažyli dastatkova praciahłuju adsutnaść u navinach ministra zamiežnych spraŭ Uładzimira Makieja.
Apošni raz na ludziach Makiej źjaŭlaŭsia 5 sakavika. U hety dzień jon uziaŭ udzieł u hanarovym mierapryjemstvie da 50-hodździa ŭstupleńnia ŭ siłu Damovy ab nieraspaŭsiudzie jadziernaj zbroi, a taksama sustreŭsia z hienieralnym sakratarom ADKB Stanisłavam Zasiem.
Paśla hetaha ŭ publičnych mierapryjemstvach Makiej nie ŭdzielničaŭ.
Nie było jaho i 17 sakavika na vialikaj naradzie ŭ Alaksandra Łukašenki, dzie sabraŭsia «amal uvieś skład uradu».
Prachodziła infarmacyja, što Makiej pravioŭ telefonnyja razmovy ź dziaržaŭnym sakratarom ZŠA Majkam Pampiea, a taksama ź jeŭrakamisaram pa susiedstvie i pieramovach ab pašyreńni ES Olivieram Vierchiei. Ale, jak kažuć, heta ŭsio adbyvałasia pa-za kadram.
«NN» pacikaviłasia ŭ pres-sakrataram MZS Anatola Hłaza, kudy ž dzieŭsia ministr.
«Rady paviedamić, što ministr zamiežnych spraŭ Uładzimir Makiej znachodzicca na pracoŭnym miescy ŭ dobrym zdaroŭi, što paćviardžajecca rehularnymi miedycynskimi abśledavańniami.
MZS funkcyjanuje ŭ štatnym režymie, za vyklučeńniem sistemy konsulskaj słužby, jakaja pierajšła praktyčna na kruhłasutačnuju pracu ŭ suviazi ź nieabchodnaściu akazańnia dapamohi pa viartańni na Radzimu šmatlikim biełaruskim hramadzianam», — adznačyŭ Anatol Hłaz.
Adznačym taksama, što małodšy syn ministra Arciom u svaim instahramie paviedamiŭ, što nie chodzić u škołu, bo tudy prylacieła niekalki dziaciej ź Italii. Chłopiec vystupiŭ za ŭviadzieńnie karancina.
Raniej paviedamlałasia, što ministr unutranych spraŭ Juryj Karajeŭ pravioŭ dva tydni na karancinie.
Ciapier čytajuć
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?20
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci33
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci3
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3333
Kamientary