Piaskoŭ: Biełaruś nie zmoža kupić u Rasii naftu pa $4 za baral, kali nie budzie prapanovy
Biełaruś nie zmoža kupić u Rasii naftu pa canie čatyry dalary za baral, kali nie budzie takoj rynkavaj prapanovy. Pra heta zajaviŭ pres-sakratar prezidenta Rasii Dźmitryj Piaskoŭ, pieradaje TASS.
Takim čynam jon prakamientavaŭ słovy premjer-ministra Biełarusi Siarhieja Rumasa, jaki raspavioŭ ab płanach krainy kuplać naftu ŭ krasaviku mienavita pa takim košcie i navat nazvaŭ dakładny abjom — dva miljony baralaŭ.
«Kali buduć takija časy, kali buduć prapanovy pa takich cenach, značyć, možna budzie zakupić, ale kali takich časoŭ rynkavych nie nastupić i navat kali nastupić, ale budzie adsutničać prapanova, tady zakupić nie atrymajecca», — zaŭvažyŭ Piaskoŭ.
Raniej Rumas raspavioŭ, što pastaŭka rasijskaj nafty ŭ Biełaruś budzie vieścisia biez premii rasijskim kampanijam, pakolki na hetym nastajaŭ Alaksandr Łukašenka. Pry hetym jon śćviardžaje, što «Biełnaftachim» nieŭzabavie zakončyć pieramovy ab pastaŭkach rasijskaj nafty na krasavik.
Ciapier čytajuć
«Ja chaču spraviadlivaści — i dla žančyn, i dla siabie». Ščyraja hutarka z Andrejem Stryžakom pra skandał z dykpikami, zaležnaści i budučyniu27
Kamientary