Kandrusievič pra śviatkavańnie Vialikadnia va ŭmovach epidemii: My patrabujem bolš adkazaŭ ad dziaržstrukturaŭ
Padčas pres-kanfierencyi na temu śviatkavańnia Vialikadnia va ŭmovach epidemii arcybiskup Tadevuš Kandrusievič źviarnuŭ uvahu na niedastatkovaje infarmavańnie z boku adkaznych dziaržaŭnych struktur, paviedamlaje catholic.by
«Ja nie chaču ŭvachodzić u rašeńni dziaržaŭnych uładaŭ, ale kali źbirajucca pradstaŭniki ŭsich relihij, usich kanfiesij [na malitvie ŭ Čyrvonym kaściole — red.], <varta> pryjści i skazać, razam parazmaŭlać: u nas jość šmat pytańniaŭ.
Bo była Palmovaja niadziela, my aśviačajem vierby. Ja nie śpiecyjalist u hetaj spravie, ja nie viedaju, ci hetaja vada niasie z saboj zarazu, ci nie. U subotu treba budzie aśviačać paschalnuju ježu — ja taksama nie viedaju.
Ja zaprasiŭ <ministra na malitvu — red.>, kab zadać pytańnie Ministerstvu achovy zdaroŭja: «Što my pavinny rabić? Čamu vy ničoha nie kažacie?!» Ja praz vas, praź miedyja, chaču sustrečy z kimści adkaznym, kankretnyja adkazy kab byli.
Vy bačycie, Kaścioł robić šmat dla taho, kab hetaha <zaražeńnia> nie było. U Palmovuju niadzielu ŭ bolšaści kaściołaŭ celebravałasia śviataja Imša na vulicy, tam, dzie heta mahčyma, kab była, jak kažuć siońnia, «sacyjalnaja dystancyja». My patrabujem bolš adkazaŭ, adnak mianie nie čujuć.
Dziakuj Bohu, užo infarmacyi bolš źjaviłasia, heta trochi supakojvaje ludziej <…> Heta vielmi važna.
Mnie taksama chaciełasia b sustrecca z kimści: da nas šmat ludziej prychodzić, a my nie śpiecyjalisty; my sami nie viedajem, što rabić, a z boku Ministerstva achovy zdaroŭja niama nijakaj inicyjatyvy»,— padkreśliŭ kiraŭnik biełaruskaha katalickaha jepiskapatu.
Pry hetym jon adznačyŭ dobruju arhanizacyju miedycynskich zachadaŭ i vialikija namahańni biełaruskich miedykaŭ u zmahańni z epidemijaj, a taksama vykazaŭ im ščyruju padziaku za ich samaachviarnuju pracu.
Kamientary