U Ispanii asłabili karancinnyja miery dla budaŭnikoŭ i rabotnikaŭ zavodaŭ
Ułady Ispanii asłabili abmiežavańni, uviedzienyja ŭ krainie z-za epidemii karanavirusnaj infiekcyi. Z 13 krasavika pracu adnavili kampanii, supracoŭniki jakich nie mohuć pracavać vydalena, paviedamlaje BBC News.
Paśla dvuch tydniaŭ prastoju ŭ Ispanii na pracu zmahli viarnucca supracoŭniki budaŭničych kampanij, zavodaŭ i niekatorych słužbaŭ. Pry hetym jany pavinny vykonvać strohija miery biaśpieki. Tak, budaŭniki mohuć pracavać tolki ŭ rajonach, addalenych ad žycharoŭ.
Rašeńnie asłabić abmiežavańni ŭ Ispanii vyklikała krytyku z boku prafsajuzaŭ i šerahu čynoŭnikaŭ, u tym liku ŭ Katałonii. Pry hetym bolšaja častka nasielnictva zastajecca na karancinie ŭ svaich damach, a hramadskija miescy, bary i šmatlikija kramy buduć začynienyja jak minimum da 26 krasavika.
U Italii bolšaść abmiežavańniaŭ budzie dziejničać da 3 maja, ale ŭžo z 14 krasavika častka kampanij zmoža adnavić pracu. U hety dzień adkryjucca niekatoryja pradpryjemstvy, a taksama kramy pa prodažy knih, kancylarskich tavaraŭ i dziciačaj vopratki.
Ciapier čytajuć
Pamierła palitźniavolenaja Alena Pankova. Paŭhoda nazad jaje asudzili za ŭdzieł u pratestach7
Kamientary