Zatrymany hienierał-major SBU: jon pracavaŭ na rasijskija śpiecsłužby
Kontrvyviedka Słužby biaśpieki Ukrainy zatrymała hienierał-majora Valeryja Šajtanava. Siłaviki ličać, što jon pa zadańni rasijskich śpiecsłužbaŭ płanavaŭ zabojstva dobraachvotnika Adama Asmajeva, paviedamlaje pres-centr ukrainskaj śpiecsłužby.
«Na žal, čałaviek, jaki atrymaŭ zvańnie hienierała paśla Revalucyi hodnaści i pavinien byŭ abaraniać Ukrainu, nasamreč pracavaŭ suprać jaje. My praviali składanuju, praciahłuju, šmatuzroŭnievuju śpiecapieracyju. Heta najvažniejšaje vykryćcio Słužby biaśpieki za ŭsiu historyju niezaležnaści», — zajaviŭ kiraŭnik SBU Ivan Bakanaŭ.
Šajtanaŭ, jaki źjaŭlajecca adnym z byłych kiraŭnikoŭ Centra śpiecyjalnych apieracyj «A» SBU, nasamreč byŭ ahientam FSB pad psieŭdanimam Babyl.
«Śledstva maje dokazy, što pa zadańni śpiecsłužbaŭ RF hienierał-major Šajtanaŭ płanavaŭ praviadzieńnie terarystyčnych aktaŭ na terytoryi Ukrainy. Za heta pradstaŭnik FSB harantavaŭ ŭznaharodu ŭ pamiery $200 tysiač i pašpart hramadzianina RF. U jakaści vykanaŭcy Šajtanaŭ śpiecyjalna padabraŭ čałavieka siarod byłych bajcoŭ śpiecpadraździaleńniaŭ», — havorycca ŭ paviedamleńni.
Akramia taho, pa infarmacyi SBU, Šajtanaŭ źbiraŭ i pieradavaŭ rasijskamu boku infarmacyju pra abstaviny praviadzieńnia asobnych apieracyj u rajonie ATA i pra zadziejničanych u ich supracoŭnikaŭ, paviedamlaŭ ab mižnarodnym supracoŭnictvie ajčynnych śpiecsłužbaŭ u śfiery nacyjanalnaj biaśpieki i abarony, a taksama infarmavaŭ pra supracoŭnikaŭ kirujučaha źviana Departamienta kontrvyviedki, apieratyŭnych padraździaleńniaŭ, raźviedvalnych orhanaŭ.
Akramia taho, Šajtanaŭ padbiraŭ i pryciahvaŭ aficeraŭ śpiecyjalnych i raźviedvalnych orhanaŭ dla pracy na FSB RF.
SBU adznačaje, što zafiksavanyja ahienturnyja sustrečy na terytoryi jeŭrapiejskich krain Jahorava i Šajtanava ź inšymi hramadzianami Ukrainy, jakija byli pryciahnutyja da vykanańnia zadač rasijskaj śpiecsłužby.
«Vyrašajecca pytańnie ab abviaščeńni Valeryju Šajtanavu ab padazreńni ŭ ździajśnieńni złačynstvaŭ, praduhledžanych art. 111 («Dziaržaŭnaja zdrada») i art. 258 («Terarystyčny akt») Kryminalnaha kodeksa Ukrainy i abrańnia miery strymańnia», — infarmujuć u SBU.
Valeryj Šajtanaŭ — hienierał-major SBU. 18 lutaha 2014 hoda kiravaŭ šturmavoj hrupaj, jakaja ŭ Kijevie zachapiła Dom prafsajuzaŭ padčas Majdanu. U krasaviku 2014 hoda ŭ składzie padraździaleńnia «Alfa» vioŭ pieramovy z kiraŭnikom terarystyčnaha farmiravańnia «Uschod» Alaksandram Chadakoŭskim.
«Za asabistuju mužnaść i hieraizm, prajaŭlenyja ŭ abaronie dziaržaŭnaha suvierenitetu i terytaryjalnaj cełasnaści Ukrainy, viernaść vajennaj prysiahi padčas bajavych dziejańniaŭ i pry vykanańni słužbovych abaviazkaŭ», uznaharodžany ordenam «Za mužnaść» III stupieni (2008-ha), ordenam Bahdana Chmialnickaha III stupieni (13 žniŭnia 2015-ha).
Ciapier čytajuć
Ejsmant: Łukašenka nie zmoža palacieć na Samit miru ŭ ZŠA, bo pavietranaja prastora Jeŭropy dla jaho zakrytaja50
Kamientary