Pieršyja straty i zvyšpryncypovaść sudździaŭ. Z čym startuje šosty tur vyšejšaj lihi

U vyšejšaj lizie prajšło piać turaŭ. Na viaršyni znoŭ tryumvirat niespadziavanak: Słuck, Viciebsk i Žodzina, jakija adabrali bały ŭ topaŭ. I chacia minskaje «Dynama» vyjhrała, pravalny start siezona kaštavaŭ Siarhieju Hurenku pracy — ciapier «Dynama» budzie rulić Leanid Kučuk.

Razam z Bukmiekierskaj kantoraj Leon my praciahvajem aśviatlać najlepšy futbolny čempijanat u śviecie.

Samyja haračyja matčy minułaha tura prajšli ŭ Salihorsku i Viciebsku. Spačatku «Słuck» vystajaŭ udziesiacioch suprać «Šachciora», pryčym salihorcy i pienalci nie zabili, a potym «Viciebsk» zdabyŭ spraviadlivuju pieramohu nad bresckim «Dynama».

Pavialičyć

Los hulni vyrašyŭ sprečny epizod: ukrainski abaronca Bresta Jaŭhien Chačarydzi ŭ svajoj štrafnoj vyrašyŭ ciškom stuknuć hulca «Viciebska». Ale epizod nie zastaŭsia biez uvahi sudździ matča Siarhieja Čystova (u pieršym tury heta jon pryznačyŭ piać pienalci) — čyrvonaja kartka i 11-mietrovy ŭdar, jaki realizavaŭ Ion Nikałajesku. 

Voś jak skončylisia matčy piataha tura:

• «Enierhietyk-BDU» — «Haradzieja» 0:1 (35, Sarokin)
• «Dynama-Minsk» — «Nioman» 2:0 (72, Harapieŭšek; 90+3, Šykaŭka)
• «Biełšyna» — «Smalavičy» 1:1 (80, Hlabko (p) — 90, Barsukoŭ (p))
• «Šachcior» — «Słuck» 1:2 (89, Kaanda (ah) — 25, Kazłoŭ; 45+1, Umar Bała)
• «Isłač» — «Słavija» 2:1 (63, Kamaroŭski (p); 73, Januš — 77, Narch)
• «Ruch» — «Minsk» 1:0 (48, Siadźko) 
• «Viciebsk» — «Dynama-Brest» 1:0 (87, Nikałajesku (p))
• BATE — «Tarpieda-BiełAZ» 0:0

Davajcie pahladzim, što nas čakaje ŭ nastupnym tury.

«Smalavičy» — «Dynama-Minsk»

• 24.04, 18:00. Barysaŭ, haradski stadyjon.
• Kaeficyjenty šukajcie tut

Jašče nie nastupiŭ maj, a ŭ «Dynama» — para pieramienaŭ. Akramia novaha treniera, kłub atrymaŭ i novych haspadaroŭ. Ciapier kiravać «bieła-sinimi» budzie BFST «Dynama». Back to the roots, jak kažuć.

Pavialičyć

U Leanida Kučuka jość niebłahi šaniec startavać ź pieramohi ŭ matčy z adnym z aŭtsajdaraŭ. Trenier užo viarnuŭ z dubla Ihara Šytava, u jakoha byli prablemy z Hurenkam, varta čakać i inšych źmianieńniaŭ.

Prahnoz «NN»: «Dynama» pieramoža.

«Nioman» — «Enierhietyk-BDU»

• 24.04, 20:00. Hrodna, CSK «Nioman».
• Kaeficyjenty šukajcie tut

Paśla ŭdarnaha startu «studenty» krychu zapavolili chadu i dali siabie abhulać spačatku žodzinskamu «Tarpieda», a potym i «Haradziei». Niahledziačy na niepryjemnuju sieryju, ad pieršaha miesca minčuki adstajuć usiaho na adzin bał, tamu viarnucca možna davoli lohka.

Ale ci dazvolić im heta zrabić «Nioman», jakomu bały jašče bolš patrebnyja, — pakul kamanda Kavaleviča zajmaje 14-y radok. Chacia my i prahnazavali niaprosty siezon dla haradziencaŭ, ale, vidavočna, heta nie toje miesca, na jakim musić być «Nioman».

Prahnoz «NN»: «Nioman» nie prajhraje.

«Słavija» — «Minsk»

• 25.04, 15:00. Mazyr, stadyjon «Junactva».
• Kaeficyjenty: «Słavija» (pieramoha) — 2.17; ničyja — 3.32; «Minsk» (pieramoha) — 3.90.

Jašče adna minskaja kamanda vydała ŭdarny start, ale ciapier u «Minska» sieryja z troch parazaŭ, jakaja moža praciahnucca i ŭ Mazyry.

Simpatyčnaja «Słavija» prajhrała ŭ piatym tury «Isłačy», ale maje šancy znoŭ padabracca bližej da lidaraŭ tablicy. Varta taksama ŭličvać, što napieradzie mazyrčukoŭ čakaje matč u adkaz u paŭfinale Kubka Biełarusi suprać BATE. Tamu Michaiłu Marcinoviču treba budzie surjozna padumać, jak zachavać siły pierad hulnioj u Barysavie i dabicca stanoŭčaha vyniku ŭ matčy čempijanatu. 

Prahnoz «NN»: totał, bolšy za 2.5.

«Haradzieja» — BATE

• 25.04, 17:00. Stadyjon «Haradzieja».
• Kaeficyjenty: «Haradzieja» (pieramoha) — 6.35; ničyja — 3.80; BATE (pieramoha) — 1.67.

«Haradzieja» — samaja efiektyŭnaja kamanda vyšejšaj lihi na siońnia. Paśla niaŭdač u pieršych dvuch turach «cukrovyja» zdabyli try pieramohi ź likam 1:0 i akazalisia siarod lidaraŭ.

BATE maksimalna niaŭdała hulaje ŭ Haradziei. Adnojčy tam kamanda ledź nie zhubiła čempijonstva, potym tam zastaŭsia biez pracy Aleh Dułub, letaś barysaŭcy tam taksama prajhrali. Tamu z ulikam niestabilnaj chady pa turnirnaj dystancyi kamandzie Kiryła Alšeŭskaha treba zrabić cud.

Prahnoz «NN»: totał, bolšy za 2.5.

«Dynama-Brest» — «Šachcior»

• 25.04, 19:00. DASK «Brescki».
• Kaeficyjenty: «Dynama» (pieramoha) — 2.34; ničyja — 3.55; «Šachcior» (pieramoha) — 3.22.

U krasaviku Brest i Salihorsk hulajuć u futboł trojčy. Na pačatku krasavika «Dynama» vyjhrała pieršy paŭfinalny kubkavy matč ź likam 2:0, ciapier čarha paŭtaryć vynik.

Ale jość prablemy. U papiaredniaj hulni byli vydalenyja asnoŭnyja abaroncy bieraściejcaŭ Habi Kiki i Jaŭhien Chačarydzi, i tut zadačka dla Siarhieja Kavalčuka, kim ich zamianić.

«Šachcioru» banalna nie šancuje. Pa kolkaści momantaŭ i ŭdaraŭ salihorcy musili lohka pieramahać «Słuck», ale ŭ vyniku sastupili. Zdajecca, pierałom nastupić tady, kali kamanda Vierniduba zdoleje kahości ŭpeŭniena pieramahčy, tady my zmožam pabačyć sapraŭdnuju moc salihorcaŭ.

Prahnoz «NN»: «Šachcior» nie sastupić.

«Słuck» — «Biełšyna»

• 26.04, 14:00. Słuck, stadyjon «Haradski».
• Kaeficyjenty šukajcie tut

Pieršaja z 2016 hoda sustreča słuččakoŭ i babrujčan. Čatyry hady tamu, paśla taho jak «Biełšynu» kinuli rasijskija inviestary, kłub sprabavaŭ vyratavać siońniašni trenier «Słucka» Vital Paŭłaŭ. Ale ŭ jaho nie atrymałasia, paśla čaho jon pierajechaŭ u Słuck.

Babrujskaja kamanda zajmaje apošniaje miesca, «Słuck» — dzielić pieršaje. «Biełšyna» ni razu nie pieramahała słuččakoŭ u haściach. Usio składvajecca ŭ čarhovuju pieramohu «eks-cukrovych», ci budzie tak na samaj spravie?

Prahnoz «NN»: «Słuck» pieramoža.

«Tarpieda-BiełAZ» — «Ruch»

• 26.04, 16:00. Žodzina, stadyjon «Tarpieda».
• Kaeficyjenty: «Tarpieda» (pieramoha) — 2.01; ničyja — 3.23; «Ruch» (pieramoha) — 4.70.

Bresckaja kamanda narešcie zdabyła pieršuju pieramohu ŭ čempijanacie dziakujučy šykoŭnamu hołu Paŭła Siadźko. Heta dazvoliła «Ruchu» akazacca ŭ tablicy vyšej za BATE, «Šachcior» i minskaje «Dynama».

Pavialičyć

Ale nie varta rassłablacca: «Ruch» čakaje vyjezd da adnaho ź lidaraŭ, jaki vystajaŭ u hulni z BATE. Ci abhulajuć kanśpiekty Siadniova kanśpiekty Puntusa?

Prahnoz «NN»: «Tarpieda» pieramoža.

«Isłač» — «Viciebsk»

• 26.04, 18:00. Stadyjon FK «Minsk».
• Kaeficyjenty: «Isłač» (pieramoha) — 2.22; ničyja — 3.28; «Viciebsk» (pieramoha) — 3.80.

Zakryvaje tur vielmi cikavaja afiša. «Isłač» narešcie zmahła pieramahčy i sustrakaje «Viciebsk» u dobrym nastroi.

«Viciebsk» pakinuŭ trenier pa fizpadrychtoŭcy Vital Milucin. Jon budzie dapamahać Leanidu Kučuku ŭ minskim «Dynama». Mienavita ź Milucinym źviazvajuć pośpiechi «Viciebska» ŭ 2018-m hodzie, a ź jaho adsutnaściu — pravał u letašnim siezonie.

Nie budziem admaŭlać trenierski talent hałoŭnaha treniera «Viciebska» Siarhieja Jasinskaha, ale budzie cikava panazirać, jak adabjecca na formie kamandy sychod adnaho z trenieraŭ.

Prahnoz «NN»: totał, mienšy za 2.5.

U suviazi z raspaŭsiudam karanavirusa my nie raim vam naviedvać ludnyja mierapryjemstvy, u tym liku futbolnyja matčy. Kali ŭsio ž vyrašycie pajści na stadyjon, prytrymlivajciesia mieraŭ zaściarohi.

Dzialiciesia prahnozami ŭ kamientarach. Kali ličycie siabie ekśpiertam u biełaruskim futbole, zrabicie staŭku ŭ Bukmiekierskaj kantory Leon!

Pavialičyć

• 0
• 0
• 0
• 0
• 0
• 0
• 0
• 0