«Z ulikam, što paśpiachova spynili chvalu». Łatvija, Litva i Estonija z 15 maja adkryjuć unutranyja miežy
Ułady Łatvii, Litvy i Estonii damovilisia z 15 maja adkryć unutranyja miežy, paviedamiŭ u tvitary premjer-ministr Łatvii Kryšjanis Karyńš.
Considering the successful containment of #COVID19 across Baltics, in call with @ratasjuri and @Skvernelis_S agreed on opening of internal Baltic borders from May 15 and free movement of our citizens. The citizens arriving from other countries have to obey 14 day self-isolation.
— Krišjānis Kariņš (@krisjaniskarins) May 6, 2020
Adnak ludzi, jakija pryjechali ŭ krainy Bałtyi ź inšych dziaržaŭ paśla adkryćcia unutranych miežaŭ, buduć abaviazanyja na praciahu 14 dzion vykonvać samaizalacyju, dadaŭ Karyńš.
U Łatvii, pavodle źviestak na 6 maja, karanavirus vyjaŭleny ŭ 900 čałaviek, 17 čałaviek pamierli, 464 čałavieki vyzdaravieli. U Litvie z momantu pačatku epidemii na COVID-19 zachvareli 1428 čałaviek, 48 čałaviek pamierli, 718 vyzdaravieli. U Estonii — 1713 čałaviek, 55 čałaviek pamierli, 264 vyzdaravieli.
Miežy Estonii, Litvy i Łatvii byli zakrytyja ź siaredziny sakavika.
Apošnija dni ŭ krainach rehistrujucca ličanyja adzinki vypadkaŭ zachvorvańnia. Statystyka karanavirusa ŭ krainach Bałtyi adkrytaja, u tym liku źviestki pa rajonach.
Pośpiech Bałtyi ŭ baraćbie z «karonaj» źviazvajuć jak z apieratyŭna ŭviedzienymi abmiežavańniami, tak i z masavym i dastupnym testavańniem. Testaŭ va ŭsich krainach Bałtyi ŭ pieraliku na dušu nasielnictva było praviedziena ŭ 2—3 razy bolš, čym u Biełarusi.
Kamientary