U Minsku pradajecca marožanaje pa 100 rubloŭ. Niaŭžo jaho sapraŭdy pryvoziać z KNDR?
Čytačy Onliner.by zaŭvažyli ŭ kramie niezvyčajnaje marožanaje — padobnaje na fruktovy lod, kaštuje niatanna, a na ceńniku napisana, što jano z KNDR. Ci tak heta nasamreč?
Voś jakija jość fota: u poli «vytvorca» na ceńniku paznačana «Kareja. Narodna-Demakratyč. Resp.».
Takoje marožanaje sapraŭdy možna znajści ŭ kramach. Ale ceńnik nadrukavali z pamyłkaj — Lotte — heta paŭdniovakarejskaja karparacyja, jakaja nijakaha dačynieńnia da KNDR nie maje. Na samoj upakoŭcy taksama jość infarmacyja, što marožanaje vyrabili ŭ Respublicy Kareja.
Jak patłumačyli pradstaŭniki handlu, takoje marožanaje možna znajści va mnohich sietkach i nazyvać jaho navinkaj składana, «jaho impartujuć užo dakładna dva ci try hady». Časam sustrakajucca niazvykłyja dla biełarusaŭ smakavyja varyjanty — u kramach možna znajści marožanaje Lotte z kukuruzaj.
Paŭdniovakarejskaje marožanaje kaštuje ad 4,9 da 9,3 rubla za ŭpakoŭku, i na jaho radzimie paradak cen supastaŭny.
Kamientary