U Minsku i Mahilovie sabralisia dziasiatki prychilnikaŭ zatrymanaha błohiera Cichanoŭskaha STRYMY
Na Niamizie sabralisia niekalki dziasiatkaŭ prychilnikaŭ zatrymanaha błohiera Cichanoŭskaha («Strana dla žiźni»), pieravažna maładyja mužčyny. Mnohija ŭdzielniki pryjšli ŭ maskach.
Da ich dałučyŭsia staršynia Abjadanaj hramadzianskaj partyi Mikałaj Kazłoŭ.
Milicyja patrabuje, kab jany razyšlisia, adnak jany nie razychodziacca. Tranślacyju viadzie błohier z Oršy Šery Kot.
A ŭ Mahilovie kala IČU sabralisia adnadumcy Cichanoŭskaha. Hladzicie na videa, jak usio adbyvałasia.
Čytajcie taksama: Raniej fotkaŭsia z Sabčak, ciapier — ź Sieviaryncam. Chto taki palityčny błohier Siarhiej Cichanoŭski?
Milicyja zatrymała jutub-błohiera, aŭtara kanała «Strana dla žiźni» Siarhieja Cichanoŭskaha. Heta adbyłosia na abjaznoj darozie kala Mahilova, paviedamlaje PC «Viasna».
Mašynu, dzie jechaŭ Siarhiej Cichanoŭski, spyniła mašyna DAI.
Akramia supracoŭnika DAI, da mašyny padyšoŭ supracoŭnik AMAPa, jaki admaŭlaŭsia pakazać Cichanoŭskamu svaje dakumienty. Błohier u hety čas vioŭ strym na svoj kanał, ale potym spyniŭ jaho. Jon paśpieŭ paprasić padpisčykaŭ pryjechać na miesca incydentu i padtrymać jaho.
Błohier Uładzimir Niaronski paviedamiŭ pra zatrymańnie Siarhieja Cichanoŭskaha.
Błohier Michaś Aršynski paviedamlaje, što ŭ Mahilovie na vulicy Krupskaj kala miascovaha izalatara časovaha ŭtrymańnia staić patrul DAI i praviaraje dakumienty ŭ tych, chto padjazdžaje siudy. Jość mierkavańnie, što Cichanoŭskaha pryvieźli tudy.
Nahadajem, što ciaham apošnich dvuch dzion mašyny prajekta «Strana dla žiźni» šmat razoŭ spyniała milicyja i DAI. 5 maja Siarhiej Cichanoŭski pryznačyŭ na viečar sustreču z padpisčykami ŭ Mahilovie. Prykładna za paŭtary hadziny da sustrečy aŭtadom błohiera znoŭ spynili, adnak samoha Cichanoŭskaha ŭ im nie znajšli. Na miesca padziej pryjechała šmat padpisčykaŭ, milicyja chacieła zatrymać kiroŭcu, ale padpisčyki stali za jaho zastupacca. U vyniku milicejskaje kiraŭnictva dało zahad milicyjantam syści.
«Naša Niva» pakul nie zmahła atrymać infarmacyju, za što błohiera zatrymali.
-
U Minsku z-za paškodžańnia kantaktnaj sietki parušyłasia praca maršrutaŭ niekatorych tralejbusaŭ
-
Byłyja palitźniavolenyja abjadnalisia dziela ŭzajemnaj padtrymki ŭ arhanizacyju «Pobač»
-
«Hryša žyvie tut, budzie jamu kampanija». Siamja z Babrujska prytuliła na padvorku piać lebiedziaŭ, jakija trapili ŭ biadu
Ciapier čytajuć
«U mianie na stale piać hadoŭ lažała papiera ź pieradačaj prava apieki nad synam». Volha Sieviaryniec — pra hady strachu, antydepresanty i nadzieju1212
Kamientary