Upieršyniu ŭ historyi Respublikanskaha teatra biełaruskaj dramaturhii premjerny pakaz śpiektakla projdzie ŭ farmacie anłajn-tranślacyi. 12 maja na videaservisie Voka teatr pradstavić hledačam novy śpiektakl sa svajho repiertuaru — trahikamiedyju z žyćcia dziaržsłužačych «Profit». Jak paviedamlaje sajt servisa, pahladzieć pastanoŭku možna budzie biaspłatna, u tym liku i za miežami Biełarusi.
Śpiektakl «Profit» pastaŭleny na biełaruskaj movie pa matyvach pjesy Alaksandra Astroŭskaha «Prybytkovaje miesca». Režysioram-pastanoŭščykam vystupiŭ mastacki kiraŭnik RTBD Alaksandr Harcujeŭ. Pjesa prykmietna źmianiłasia: niekatoryja sceny radykalna pieraroblenyja, u dziejańnie ŭviedzieny novy piersanaž, a sami padziei razhortvajucca nie ŭ siaredzinie 19-ha stahodździa, a ŭ pačatku 21-ha.
Rolu hałoŭnaha hieroja, sumlennaha idealista Žadava, u śpiektakli vykanaje Arciom Kureń. Hanna Siemianiaka na premjery 12 maja syhraje jaho žonku Palinu, a hałoŭnaha antahanista Žadava — prahmatyčnaha karjerysta Biełahubava — u hety viečar uvasobić Maksim Šyško. Akramia ich, u śpiektakli buduć zadziejničany Maksim Brahiniec, Hražyna Bykava, zasłužanaja artystka Respubliki Biełaruś Ludmiła Sidarkievič, Andrej Dabravolski, Natalla Chaładovič, Mikałaj Stońka i zasłužany artyst Respubliki Biełaruś Valancin Sałaŭjoŭ.
Premjerny anłajn-pakaz śpiektakla «Profit» na Voka adbudziecca 12 traŭnia ŭ 19:00. Usie achvotnyja zmohuć pahladzieć jaho biaspłatna i biez aŭtaryzacyi na sajcie voka.tv abo ŭ dadatku Voka dla Android i iOS. Bolš za toje, tranślacyja budzie dastupnaja i za miežami Biełarusi, tamu premjeru pastanoŭki bieź pierabolšańnia možna nazvać suśvietnaj.
-
U Homielskim dramatyčnym teatry — kadravyja čystki. Znoŭ praz «palityku»
-
«Budzie śmiešna i baluča»: «Kupałaŭcy» prezientujuć zaŭtra novy śpiektakl. U hałoŭnych rolach — Manajeŭ, Biełachvościk, Harcujeva
-
«Rašeńnie pryjšło zvonku». Što adbyvajecca ŭ viciebskim teatry, dzie ŭ śpiektakli prahučała «Žyvie Fłandryja!» i pačałasia čarada zvalnieńniaŭ?
Šrajbman z kalehami prapanavali pakrokavy płan deeskałacyi adnosin Biełarusi i ES53
Šrajbman z kalehami prapanavali pakrokavy płan deeskałacyi adnosin Biełarusi i ES
«Ja ich ni pra što nie prasiŭ i tym bolš — vysyłać mianie z radzimy». Departavanyja palitviaźni rezka adkazali Kavaleŭskamu. Nie abyšłosia biez abrazaŭ4545
Kamientary