Capkała aranduje ziamlu pad katedž za Nacbiblijatekaj. Płacić pa 20 rubloŭ na miesiac
Zajaviŭšy ab prezidenckich ambicyjach, eks-dyrektar Parka vysokich technałohij Valeryj Capkała pryciahnuŭ uvahu da svajoj piersony. Ekśpierty razychodziacca ŭ interpretacyjach pryčyn takoha rašeńnia Capkały.
Telefon pretendenta na pasadu prezidenta byŭ u dzień abviaščeńnia svajho žadańnia bałatavacca niedastupny, pres-sakratara ci štaba ŭ jaho pakul niama ci, prynamsi, jon nikomu nie viadomy.
Tamu karespandent «Našaj Nivy» pasprabavaŭ zadać eks-čynoŭniku niekalki pytańniaŭ užyvuju.
Na žal, Capkała admoviŭsia ad kantaktu z presaj. Maładaja žančyna ŭdakładniła ŭ jaho adkaz i skazała pa damafonie, što parazmaŭlać nie ŭdasca.
Čytajcie. Zasnavalnik Parka vysokich technałohij Valer Capkała idzie na vybary
Siamja Capkałaŭ žyvie ŭ katedžavym pasiołku za Nacyjanalnaj biblijatekaj. Heta adno z samych statusnych miescaŭ Minska — paraŭnalnaje z Drazdami. Bolšaść jaho susiedziaŭ — paśpiachovyja biznesmieny. Niekatoryja ź ich vykuplali draŭlanyja chaty ŭ miascovych žycharoŭ i ŭzvodzili svaje katedžy.
Ale Capkała pajšoŭ inšym šlacham. U 2013 hodzie Minharvykankam daŭ jamu ŭčastak na Ciapličnym zavułku ŭ arendu na 99 hadoŭ. Čamu mienavita jamu? Niezrazumieła. Inšyja ŭčastki na hetaj vulicy tak nie vydavalisia.
Capkała płacić za supierelitnuju ziamlu 231 rubiel na hod — mienš za 20 rubloŭ na miesiac.
Na ŭziatym u arendu ŭčastku eks-čynoŭnik za niekalki hadoŭ pabudavaŭ katedž płoščaj kala 420 kvadratnych mietraŭ. Pry rehistracyi Capkała zapeŭniŭ, što budavaŭsia za košt ułasnych srodkaŭ.
Razam z tym, pavodle infarmacyi «Našaj Nivy», mienavita hety katedž i patapiŭ karjeru Capkały, bo jahony košt i vybar vykanaŭcy rabot vyklikaŭ pytańni adpaviednych orhanaŭ.
Čytajcie: «Vy b i Styva Džobsa aryštavali»: piać faktaŭ pra Valeryja Capkału
Ciapier čytajuć
«Jana nie vyhladała ščyraj, była ŭ mascy». Paŭlučenka pra sustreču Kaleśnikavaj ź biełaruskimi žurnalistami24
Kamientary