Apublikavany DAKUMIENT, jaki stavić pad pytańnie aficyjnyja ličby kolkaści testaŭ u Biełarusi
U rasparadžeńni telehram-kanała «Niechta» źjaviŭsia ŭnutrany zahad ministra achovy zdaroŭja ab teściravańni, jakoje pravodzicca, dzie paznačany ŭsie ŭstanovy, łabaratoryi jakich pracujuć nad testami.
U śpisie znachodziacca 45 ustanoŭ.
Pa stanie na 11 maja sumarnaja «mahutnaść» łabaratoryj składaje ŭsiaho 8320 testaŭ za sutki, da taho jana była mienšaj za 8000.
Miž tym, pa aficyjnych źviestkach, jakija publikuje Ministerstva achovy zdaroŭja, u hety pieryjad i raniej pravodziłasia ad 9000 da bolš čym 11 000 testaŭ za dzień. Jakim čynam kolkaść testaŭ moža pieravyšać mahutnaść łabaratoryj?
Aficyjnyja źviestki byli takija (cytujem z paviedamleńniaŭ Minzdaroŭja):
«Za sutki z 10 na 11 maja śpiecyjalisty praviali 10 517 test-daśledavańniaŭ».
«U Biełarusi na 10 maja … praviedziena 263 543 testy. Užo druhija sutki kolkaść praviedzienych test-daśledavańniaŭ pieravyšaje 10 tysiač. Za sutki z 9 na 10 maja śpiecyjalisty praviali 11 772 test-daśledavańni».
«U Biełarusi na 8 maja … praviedziena 240 146 testaŭ».
«U Biełarusi na 7 maja … praviedziena 229 466 testaŭ».
«U Biełarusi na 6 maja … praviedziena 220 045 testaŭ».
«U Biełarusi na 5 maja … praviedziena 211 369 testaŭ».
I tak dalej.
Ci praŭdzivy apublikavany ŭ telehram-kanale dakumient? I, kali tak, to jak mahło pravodzicca bolš testaŭ, čym składaje mahutnaść łabaratoryj? My nie zmahli atrymać adkaz Ministerstva achovy zdaroŭja apieratyŭna.
Ciapier čytajuć
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku14
Kamientary