Siońnia kiraŭnik krainy zasłuchoŭvaje dakład ab situacyi na spažyvieckim rynku krainy, piša BiełTA.
«Niahledziačy na toje, što ŭ nas u pryncypie z handlem u kramach i hetak dalej nakštałt usio ciarpima, tym nie mienš, chaciełasia b ad vas pačuć acenku situacyi, jakaja składvajecca na spažyvieckim rynku. I pačuć prahnoz raźvićcia spažyvieckaha rynku i napramki hetaha raźvićcia, asabliva ŭ płanie cenaŭtvareńnia. Asablivuju ŭvahu prašu źviarnuć na tavary pieršaj nieabchodnaści, sacyjalna značnyja tavary, bieź jakich ludzi abyścisia nie mohuć, asabliva va ŭmovach epidemii», — zajaviŭ kiraŭnik dziaržavy.
«Dumaju, siońnia situacyja takaja, što my nie prosta pavinny suzirać, ale i pry nieabchodnaści ŭmiešvacca ŭ tyja pracesy, jakija adbyvajucca na ŭnutranym spažyvieckim rynku», — ličyć Alaksandr Łukašenka.
Ministr antymanapolnaha rehulavańnia i handlu Uładzimir Kałtovič paviedamiŭ ab rabocie pa zabieśpiačeńni spažyvieckaha rynku i kantroli nad cenami. «Samaje hałoŭnaje, što siońnia, niahledziačy ni na što (pierš za ŭsio, niahledziačy na źniešnija vykliki), situacyja pa tavarnym zabieśpiačeńni i cenach na ŭnutranym spažyvieckim rynku kiravanaja, prahnazujemaja i stabilnaja», — skazaŭ jon.
«Heta značyć, deficytu ŭ nas niama nijakaha, ni pa adnoj hrupie tavaraŭ?» — pacikaviŭsia Alaksandr Łukašenka.
«U nas niama deficytu i niama ažyjatažu», — zapeŭniŭ Uładzimir Kałtovič.
Na mierapryjemstva taksama byli zaprošanyja staršynia Kamiteta dziaržkantrolu Leanid Anfimaŭ, pieršy vice-premjer Dźmitryj Kruty, kiraŭnik Minsielhascharča Ivan Krupko i namieśnik kiraŭnika Administracyi Prezidenta Valeryj Bielski.
Kamientary