U Pinsku da hrup Śviatłany Cichanoŭskaj, Viktara Babaryki i Valeryja Capkały ŭ čaćvier padklučyłasia hrupa Hanny Kanapackaj, jana źbirała podpisy kala kramy «Ałmi» na vulicy Centralnaj, piša «Miedyja-Paleśsie».
«Dobry dzień, heta ja!» — vitaje pinčukoŭ były deputat, a ciapier pretendent na vyšejšuju dziaržaŭnuju pasadu ŭ krainie, i zaprašaje da svajho stolika, kab zapisać u padpisny list ich asabistyja źviestki. I narod adklikajecca. Mnohija robiać joj kamplimienty. Pa ich nazirańni, u žyćci Hanna značna maładziejšaja, čym na fatahrafii.
Pa słovach Hanny Kanapackaj, u pieršuju čarhu nieabchodna pravieści sudovuju reformu. Sud pavinien być niezaležnym ad vykanaŭčaj ułady. Padatkovyja orhany pavinny dapamahać padatkapłacielščyku, a nie karać. Prezidenctva pavinna abmiažoŭvacca dvuma terminami, a milicyja pavinna abaraniać čałavieka, a nie źjaŭlacca dla jaho karajučym miačom za zvyčajny vyraz hramadzianskaj pazicyi.
U piatnicu prychilniki Hanny Kanapackaj buduć źbirać podpisy na prachadnoj «Pinskdreva». Pa ich słovach, heta adzinaje pradpryjemstva ŭ horadzie, jakoje dazvoliła im papracavać na svajoj terytoryi.
Ciapier čytajuć
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2121
Kamientary