Kala 80 vieteranaŭ Vialikaj Ajčynnaj vajny, jakija padčas parada Pieramohi buduć znachodzicca na adnoj trybunie z prezidentam Rasii Uładzimiram Pucinym, adpravili na karancin. Pra heta paviedamili dźvie krynicy Bloomberg.
Vieterany na dva tydni izalavanyja na kurorcie za miežami Maskvy, piša Bloomberg. Adnak krynicy «Echo Moskvy» ŭ arhkamitecie parada zajavili, što vieteranaŭ nikudy nie vieźli, a prosta paprasili zastavacca doma.
Pastanova ab karancinie dla vieteranaŭ, piša Bloomberg, adlustroŭvaje surjoznaść zachadaŭ, jakija prymajucca čynoŭnikami dla abarony Pucina ad virusa, jaki ŭžo zaraziŭ niekalki vysokapastaŭlenych fihur, u tym liku premjer-ministra RF Michaiła Mišuścina i pres-sakratara Kramla Dźmitryja Piaskova. Jon taksama dapamahaje abaranić vieteranaŭ, jakija adnosiacca da ŭzrostavaj hrupy, jakaja ličacca asabliva ŭraźlivaj da hetaha zachvorvańnia.
Piaskoŭ patłumačyŭ žurnalistam karancin dla vieteranaŭ «kłopatam pra ich zdaroŭje».
u Rasii pryniata rašeńnie pravieści parad Pieramohi 24 červienia. 9 maja Parad u Maskvie nie pravodziŭsia praz pandemiju karanavirusa.
Na paradzie Pieramohi płanuje prysutničać ministr abarony Biełarusi Viktar Chrenin, taksama pa Krasnaj płoščy ŭ Maskvie projduć vajskoŭcy zvodnaj roty hanarovaj varty Minabarony.
Adkrytym zastajecca pytańnie, ci naviedaje parad Alaksandr Łukašenka. Zaprašeńnie jamu dasłana.
Kamientary