Mahiloŭskaha budaŭnika asudzili jak arhanizatara «łancuha salidarnaści» za dopis u Telegram
39-hadovaha mulara Alaksandra Śpirydonava asudzili jak arhanizatara łancuha salidarnaści. Padstavaj staŭ dopis u telehram-kanale «Mohilov dla žiźni», piša «Radyjo Svaboda».
Na Śpirydonava skłali pratakoł pavodle 2-j častki artykuła 23.34 «Parušeńnie paradku arhanizacyi ci praviadzieńnia masavych mierapryjemstvaŭ». Pavodle pratakoła, Śpirydonaŭ chacieŭ arhanizavać akcyju, anałahičnuju toj, jakaja prajšła ŭ Minsku 18 červienia.
«Łancuh salidarnaści» adbyŭsia 19 červienia na Pieršamajskaj vulicy ŭ centry Mahilova. Na jaho pryjšli bolš za sto čałaviek. Akcyja praciahvałasia bolš za hadzinu, pakul jaje nie razahnali amapaŭcy. Alaksandra Śpirydonava zatrymali i da suda troje sutak trymali ŭ izalatary.
U sudzie Śpirydonaŭ skazaŭ, što ŭ jakaści vałanciora inicyjatyŭnaj hrupy Śviatłany Cichanoŭskaj dapamahaŭ pravodzić jaje vybarčyja pikiety ŭ Mahilovie. Tamu i zaklikáŭ ludziej prychodzić padpisvacca za jaje.
Amapaŭcy Mikałaj Jekamiuk i Illa Baranaŭ, jakija zatrymali Śpirydonava, vystupili na sudzie śviedkami. Pavodle ich, Śpirydonaŭ pryciahnuŭ uvahu tym, što chadziŭ uzdoŭž łancuha ludziej i zdymaŭ ich na telefon.
U vyniku sudździa Leninskaha rajonnaha suda Mahilova Alena Litvina adpraviła Śpirydonava pad aryšt na 15 sutak.
Ciapier čytajuć
Zahinuŭ biełaruski dobraachvotnik Alaksiej Łazaraŭ12
Kamientary