Biełaruskaje futbolnaje kłasika blaknie? Hałoŭnyja pytańni pierad piatnaccatym turam vyšejšaj lihi
Pakul u Jeŭropie imknucca chucieńka pazavieršvać svaje lihi, naš čempijanat amal padabraŭsia da svajho ekvataru. I samaje cikavaje jašče napieradzie.
Razam z Bukmiekierskaj kantoraj Leon my praciahvajem aśviatlać čempijanat Biełarusi pa futbole.
29 červienia adkryjecca tranśfiernaje akno. Top-kamandy zmohuć uzmacnić svoj skład pierad jeŭrakubkami, a hulcy prablemnych kamand zmohuć pašukać lepšaj doli.
Tak, źjaviłasia infarmacyja, što ŭ «Šachcior» moža pierajści Mamo Jansane z «Isłačy», jakoha niekali napužaŭ byŭ karanavirus. A BATE moža ŭzmacnicca paŭabaroncam zbornaj Biełarusi Valeryjem Hramykam, jaki tolki ŭ studzieni pierajšoŭ u rasijski «Arsienał». Taksama BATE razam ź minskim «Dynama» nibyta cikavicca hałoŭnym aktyvam «Enierhietyka-BDU» Džasurbiekam Jachšybojevym.
Što tyčycca kamand z prablemami, to kiraŭnik Minskaj vobłaści Alaksandr Turčyn skazaŭ, što abłasny biudžet dapamoža «Słucku» i «Haradziei» dahulać siezon. Kamanda ź Niaśvižčyny hrošy ŭžo atrymała i zmahła pahasić daŭhi pa zarobkach. Pra zruchi ŭ Słucku pakul nieviadoma.
Čarhovyja straty bałaŭ «Enierhietyka» i žodzinskaha «Tarpieda» dazvolili «Niomanu» zaskočyć na čaćviorty radok. Kamanda Ihara Kavaleviča vyjhrała piać matčaŭ zapar i istotna palepšyła turnirnaje stanovišča. Toje ž možna skazać i pra «Viciebsk», jaki dźviuma pieramohami praciahnuŭ sieryju biez parazaŭ da siami matčaŭ.
«Ruch» niečakana adabraŭ bały ŭ «Šachciora», čym dapamoh svaim ziemlakam z «Dynama» padabracca da salihorcaŭ, a barysaŭskamu BATE adarvacca ad druhoha miesca na čatyry punkty.
Voś vyniki matčaŭ:
- «Słavija» — «Smalavičy» 2:1 (50, Ślusar (p); 55, Tetech — 52, Vakulič)
- «Słuck» — «Nioman» 0:1 (30, Zabielin)
- «Isłač» — «Tarpieda-BiełAZ» 2:2 (53, 89, Kuźmianok — 37, 56 (p) Habryel Ramas)
- «Dynama-Brest» — «Haradzieja» 3:1 (29, Mileŭski; 66, Łapcieŭ; 71, Hardziajčuk — 28, Archipaŭ)
- «Dynama-Minsk» — «Enierhietyk-BDU» 0:0
- «Biełšyna» — BATE 0:2 (27, Stasievič; 83, Niachajčyk)
- «Viciebsk» — «Minsk» 1:0 (11, Nikałajesku)
- «Šachcior» — «Ruch» 1:1 (76, Lisakovič — 72, Działa)
TURNIRNAJA TABLICA
A ciapier pierachodzim da matčaŭ 15 tura.
«Enierhietyk-BDU» — «Słavija»
- 26.06, 17:00. Maładziečna, haradski stadyjon.
- Kaeficyjenty: «Enierhietyk» (pieramoha) — 1.92; ničyja — 3.85; «Słavija» (pieramoha) — 4.20.
Pry kancy pieršaha kruha «studenty» dazvolili sabie rassłabicca — minčuki nie mohuć vyjhrać voś užo čatyry matčy i apuścilisia na šostaje miesca. Niahledziačy na heta, navat taki vynik možna ličyć vielmi ŭražvajučym dla kamandy, jakaja amal całkam składajecca z noŭnejmaŭ.
Ale varta z rełaksam nie zaciahvać — moža zasmaktać bahna siaredziny tablicy z vysokaj ščylnaściu, jakaja nie pakinie śladoŭ ad viesnavoha lidarstva «Enierhietyka».
Prahnoz «NN»: totał, mienšy za 2.5.
«Smalavičy» — «Słuck»
- 26.06, 19:00. Smalavičy, stadyjon «Aziorny».
- Kaeficyjenty: «Smalavičy» (pieramoha) — 2.39; ničyja — 3.49; «Słuck» (pieramoha) — 3.17.
«Słuck» zakančvaŭ matč z «Niomanam» udzieviacioch, a ŭžo paśla finalnaha śvistka čyrvonuju kartku atrymaŭ i Marat Burajeŭ. Hałoŭny trenier kamandy pryjšoŭ na pres-kanfierencyju, ale nie zmoh znajści słoŭ, kab apisać taki vynik, i admoviŭsia ad kamientaroŭ.
«Smalavičy» ŭpieršyniu ŭ siezonie zhulajuć na svaim poli. Imavierna, dla niekatorych hulcoŭ heta budzie apošni matč u składzie kamandy, tady čamu b nie rassłabicca i nie pakazać dobruju hulniu.
Prahnoz «NN»: «Smalavičy» nie sastupiać.
«Minsk» — «Šachcior»
- 27.06, 16:30. Minsk, stadyjon «Traktar».
- Kaeficyjenty: «Minsk» (pieramoha) — 8.20; ničyja — 4.80; «Šachcior» (pieramoha) — 1.45.
«Minsk» anijak nie moža ačuniać paśla karancinu. Try parazy ŭ čatyroch matčach i «stykavy» 14-y radok. Taksama paviedamlajecca pra finansavyja prablemy ŭ kłubie, što taksama nie moža nie adbivacca na stanie kamandy.
U subotu ŭ Minsk jedzie «Šachcior», jaki niečakana padzialiŭ bały z «Rucham» i vidavočna budzie złym i hałodnym da pieramohi. Tamu «Minsku» nie pazajzdrościš.
Prahnoz «NN»: «Šachcior» pieramoža.
«Nioman» — «Dynama-Brest»
- 27.06, 18:30. Hrodna, CSK «Nioman».
- Kaeficyjenty: «Nioman» (pieramoha) — 3.55; ničyja — 3.80; «Dynama» (pieramoha) — 2.11.
U Hrodna — 5 pieramoh zapar, u Bresta — na adnu mienš. I voś niečaja sieryja musić skončycca.
Pośpiechi «Niomana» natchnili niekatorych sportahladalnikaŭ na dumki pra toje, što hrodziency pa vynikach siezonu buduć ź miedalami, mahčyma, navat z załatymi.
Ale, na našu dumku, pra miedali hrodziencaŭ kazać zarana. Jany ŭ «zachodnim derbi» addaduć usie siły, ale favaryt matča vidavočny.
Prahnoz «NN»: «Dynama» pieramoža.
BATE — «Dynama-Minsk»
- 27.06, 20:30. «Barysaŭ-Arena».
- Kaeficyjenty: BATE (pieramoha) — 2.00; ničyja — 3.70; «Dynama» (pieramoha) — 4.00.
Niazhrabnaja pieršaja pałova siezona ad minskich «dynamaŭcaŭ» amal devalviravała status biełaruskaha kłasika.
U Leanida Kučuka pakul nie ŭsio atrymlivajecca, i jamu vielmi patrebnyja novyja hulcy, kab pakazać usio, što jon umieje. A pakul prychodzicca zmahacca z tym, što jość. Naprykład, u hulni z «Enierhietykam» bramu abaraniaŭ 19-hadovy Danił Šapko.
Mahčyma, «bieła-sinim» dapamoža toj fakt, što hulniu buduć vymušanyja prapuścić lidary BATE Bojan Naścič i Pavieł Niachajčyk.
Prahnoz «NN»: BATE pieramoža.
«Tarpieda-BiełAZ» — «Viciebsk»
- 28.06, 16:00. Žodzina, stadyjon «Tarpieda».
- Kaeficyjenty: «Tarpieda» (pieramoha) — 2.10; ničyja — 3.60; «Viciebsk» (pieramoha) — 3.75.
Usim zaŭziataram «Tarpieda», napeŭna, vielmi kryŭdna: ich kamanda nie vyjhraje try hulni. Dźvie ź ich skončylisia ŭničyju, a bały ŭ ich kamandy adbirali ŭ samaj kancoŭcy hulni.
U niadzielu ŭ Žodzina pryjedzie «Viciebsk», pra pośpiechi jakoha my ŭžo zhadvali vyšej. I vielmi imavierna, što žodzincy znoŭ zastanucca bieź pieramohi.
Prahnoz «NN»: ničyja.
«Ruch» — «Biełšyna»
- 28.06, 18:00. DASK «Brescki».
- Kaeficyjenty: «Tarpieda» (pieramoha) — 2.10; ničyja — 3.48; «Viciebsk» (pieramoha) — 3.90.
Pra niadolu «Biełšyny» my šmat pisali ŭ papiarednich prevju, istotna ničoha nie pamianiałasia i, chutčej za ŭsio, nie pamianiajecca, kali nie dapamohuć inšyja kamandy.
«Ruch» davoli niabłaha pravioŭ pałovu debiutnaha siezona ŭ vyšejšaj lizie. Kamanda Alaksandra Siadniova prapuściła ŭsiaho 13 miačoŭ, navat BATE prapuściła bolš.
Zabivaje, praŭda, jašče mienš. Kali b trenierski štab moh palepšyć hety kampanient, «Ruch» nie byŭ by na 12 miescy.
Prahnoz «NN»: «Ruch» nie sastupić.
«Haradzieja» — «Isłač»
- 28.06, 20:00. Stadyjon «Haradzieja».
- Kaeficyjenty: «Haradzieja» (pieramoha) — 3.33; ničyja — 3.45; «Isłač» (pieramoha) — 2.33.
«Haradzieja» budzie žyć. Druhi kruh dla kamandy musić stać pieryjadam padjomu paśla padzieńnia amal na samaje dno. Kali ŭsio budzie dobra, my «cukrovych» pabačym na zvykłym miescy ŭ siaredzinie tablicy.
«Isłač», jakaja pakul dziaviataja, taksama, miarkujem, pačnie padymacca ŭ tablicy paśla ŭsich prablem, jakija navalilisia na kamandu pa viaśnie. Ale važnaje pytańnie: ci zmoža Žukoŭski znajści zamienu Jansane ŭ vypadku jaho tranśfieru ŭ «Šachcior».
Prahnoz «NN»: totał, bolšy za 2.5.
U suviazi z raspaŭsiudam karanavirusa my nie raim vam naviedvać ludnyja mierapryjemstvy, u tym liku futbolnyja matčy. Kali ŭsio ž vyrašycie pajści na stadyjon, prytrymlivajciesia mieraŭ zaściarohi.
Dzialiciesia prahnozami ŭ kamientarach. Kali ličycie siabie ekśpiertam u biełaruskim futbole, zrabicie staŭku ŭ Bukmiekierskaj kantory Leon!
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza19
Kamientary