Zabojcu piensijanieraŭ pad Słuckam admianili rasstrelny prysud
Razhlad spravy adbyŭsia ŭ Viarchoŭnym sudzie 30 červienia, piša srring96.org.
29-hadovy žychar Słuckaha rajona Viktar Skrundzik, prysudžany da rasstrełu, padaŭ apielacyjnuju skarhu. U sudzie jon byŭ zakavany ŭ kajdanki i ŭ apranuty ŭ śpiecvopratku śmiarotnika z nadpisam «IMN» («vyklučnaja miera pakarańnia).
Staršynstvavaŭ Siarhiej Kandraćjeŭ. U składzie sudovaj kalehii — Viktar Łajeŭski i Andrej Kavalčuk.
Skrundzik začytaŭ z papiery, što nie pryznaje siabie vinavatym u zabojstvie 79-hadovaha Michaiła Šuhaleja i 94-hadovaha Uładzimira Harkavaha, bo nie viedaŭ, što jany byli žyvyja ŭ momant padpału ich chat. Kaža, što naradziŭsia i žyŭ u toj ža vioscy, nie žadaŭ žycharam zła, dapamahaŭ im. Śćviardžaŭ, što kali b nie sadziejničaŭ śledstvu, usio by śpisali na niaščasny vypadak. Jon raskajvajecca i choča spraviadlivaha prysudu dla ŭsich saŭdzielnikaŭ, prosić prabačeńnia ŭ rodnych zabitych, kaža, što kožny dzień pračynajecca z dumkaj pra toje, što zdaryłasia. Prosić sud zamianić śmiarotnaje pakarańnie na pazbaŭleńnie voli.
U vyniku kalehija Viarchoŭnaha suda pa kryminalnych spravach ahučyła rašeńnie, jakim zadavoliła apielacyjnuju skarhu i admianiła śmiarotny prysud Viktaru Skrundziku.
Kamientary