Piatroŭski: Łukašenka raskazaŭ pra zatrymańnie ŭ Biełarusi čatyroch supracoŭnikaŭ HRU Rasii
Łukašenka padčas 4-hadzinnaj razmovy z praŭładnymi žurnalistami paviedamiŭ pra zatrymańnie čatyroch supracoŭnikaŭ HRU Rasii.
Infarmacyja pra heta źjaviłasia na fejsbuk-staroncy praŭładnaha palityčnaha kamientatara Piatra Piatroŭskaha.
Piatro Piatroŭski, jaki byŭ udzielnikam sustrečy, patłumačyŭ, što zatrymanyja supracoŭniki HRU nibyta pracavali ŭ kamandzie Siarhieja Cichanoŭskaha.
Dadzienuju infarmacyju jon paśpieŭ paćvierdzić žurnalistam «Komsomolskoj pravdy»:
Paźniej jon vydaliŭ svajo paviedamleńnie i dapisaŭ novaje.
«Siabry, nakont HRU — žart. Pravierka našych ŚMI na tryvałaść. Jak jany praviarajuć infu i što pišuć. Sustreča była zakrytaj. Infarmacyja abviaščeńniu nie padlahaje», — napisaŭ Piatroŭski i pastaviŭ sabie łajk.
Paźniej Piatroŭski vydaliŭ i dopis pra toje, što nakont HRU byŭ žart.
«Naša Niva» spytałasia ŭ dvuch inšych udzielnikaŭ sustrečy pra toje, ci čuli jany takoje vykazvańnie Alaksandra Łukašenki. Jany skazali, što nie čuli.
Taksama Piatroŭski apublikavaŭ dopis, u jakim było pytańnie da Łukašenki ab tym, što budzie rabić Biełaruś u vypadku admovy Rasii stvarać adzinyja rynki nafty i hazu.
«Biełaruś vyjdzie ź JEAES», — nibyta taki adkaz atrymaŭ Piatroŭski. Adnak i hety dopis jon vydaliŭ.
-
«Pralacieła šmat roznych dumak». Rybak raskazaŭ, jak da jaho ŭ efir uvarvaŭsia łoś
-
«Ciarpieńnie — najlepšaja zbroja pieramožanych». Konrad Adenaŭer, abo Palityki jakoha typu patrebnyja paśla dyktatury
-
Maładoj mamie z Navahrudka dali 6 hadoŭ za karupcyju. Jana dakazała svaju nievinavataść — ale kali ŭžo adsiedzieła
Kamientary