Eks-premjer Litvy: Kali apazicyjnych kandydataŭ nie zarehistrujuć, a palitviaźniaŭ nie vyzvalać — buduć adrasnyja sankcyi
U Bruseli na plenarnym pasiadžeńni Jeŭrapiejskaha parłamienta 9 lipienia prajšli debaty ab situacyi ŭ Biełarusi. Sajt Charter97.org padaje tekst vystupu kiraŭnika delehacyi «Jeŭranest», byłoha premjer-ministra Litvy Andrusa Kubilusa:
— Paśla 26 hadoŭ aŭtarytarnaha kiravańnia Łukašenki biełaruski narod hučna patrabuje źmien u svajoj krainie. Heta moža adbycca na prezidenckich vybarach 9 žniŭnia. Siońnia situacyja nie takaja, jak raniej. Apytańni hramadskaj dumki pakazvajuć, što bolš za 50% biełarusaŭ chočuć realnych źmien, i tolki mienšaść choča, kab jon zastaŭsia.
Nastroi ŭ narodzie nahadvajuć mnie našu bałtyjskuju revalucyju 1990-ch. Biełaruskija rok-hurty śpiavajuć papularnyja pieśni suprać režymu. Pradstaŭniki kulturnaj elity śmieła vystupajuć na jutubie z antyrežymnymi zajavami. Błohiery stvarajuć sapraŭdnyja anłajn-sietki supracivu.
Usie jany pieraśledujucca režymam. Asnoŭnyja kankurenty Łukašenki — Babaryka i Cichanoŭski — znachodziacca pad vartaj. Za apošni miesiac kolkaść mižnarodna pryznanych palitviaźniaŭ pavialičyłasia da 30, u tym liku viadomych apazicyjnych lidaraŭ, takich jak Pavieł Sieviaryniec.
Siońnia my pavinny pasłać try vyraznyja i hučnyja sihnały:
Pieršy — hramadzianam Biełarusi. My salidarnyja z vami ŭ vašym patrabavańni pieramien. My budziem abaraniać vaša prava prymać pastanovy stać narmalnaj jeŭrapiejskaj demakratyčnaj krainaj.
Druhi — jasny sihnał dla Łukašenki i jaho namienkłatury. Kali da 14 lipienia, na nastupnym tydni apazicyjnyja kandydaty nie buduć zarehistravanyja ŭładami, kali palityčnyja źniavolenyja i kandydaty nie buduć vyzvalenyja z turmaŭ, kali ludziej na vulicach buduć pieraśledavać i zapałochvać, to buduć sankcyi, adrasnyja sankcyi.
Treci sihnał samim sabie. My pavinny stać u poŭny rost i abaranić pravy našych susiedziaŭ.
Ciapier čytajuć
Pamierła palitźniavolenaja Alena Pankova. Paŭhoda nazad jaje asudzili za ŭdzieł u pratestach3
Kamientary