Nievierahodnaja mabilizacyja vybarcaŭ u haradach. Čerhi, biełyja stužki
Na ŭsich učastkach Minska i Minskaha rajona, jakija naviedali karespandenty «Našaj Nivy», nazirajecca vielmi vysokaja, nie zvyčajnaja aktyŭnaść vybarcaŭ. U niekatorych učastkach stajać čerhi na vulicy
Pa acency karespandentaŭ, u Minsku ŭ pieršaj pałovie dnia, u zaležnaści ad učastka, ad 5 da 30, u asobnyja momanty da 80 pracentaŭ ludziej mieli na rukach biełyja stužki.
Nahadajem, što Śviatłana Cichanoŭskaja zaklikała svaich prychilnikaŭ hałasavać u druhoj pałovie dnia. Častka jaje prychilnikaŭ u znak salidarnaści adziavajuć na ruku biełyja stužki.
A heta kadr ź mietro, abied:
Hałasavańnie ŭ Stajkach, Minski rajon:
«Na ŭčastku čarha čałaviek 15. 80 pracentaŭ sa stužkami. Čarha ruchajecca marudna, bo ŭsie fatahrafujuć biuleteni», paviedamlaje karespandent Našaj Nivy z učastka 18 u Minsku, jaki mieścicca ŭ Maskoŭskim rajonie, na Chmialeŭskaha, škoła 105.
Čarha na ŭčastak na vulicy Chmialeŭskaha ŭ Minsku:
Doŭhaja čarha na ŭčastak u Novaj Baravoj:
«Adličyŭ 100 čałaviek. 24 z sotni — sa stužkami», — pieradaŭ a 12-j karespandent «Našaj Nivy» z-pad učastkaŭ 4—5 Frunzienskaha rajona, heta himnazija 37.
Karespandenty «Našaj Nivy» pabyvali na ŭčastkach u Ždanovičach i Stajkach Minskaha rajona. Ahromny patok ludziej na ŭčastkach, ad 15 da 30 % ź biełymi stužkami ŭ pieršaj pałovie dnia.
Naziralniki ŭ Stajkach naličyli zranku stužki ŭ 26 sa 175 vybarcaŭ, jakija prajšli mima ich.
U Ždanovičach stužki byli ŭ 31 vybarca sa 100 padčas prysutnaści karespandenta NN.
Minski rajon, Zasłaŭje, 45 učastak, čarha čałaviek 20. Naziralniki, jakija siadziać na vulicy, kažuć, što ich nie zapuścili, navat z akredytacyjaj, spadziajucca, što na padlik dapuściać. 815 prajšło ludziej za siońnia, ź ich amal 200 sa stužkami. (na 13:36).
Voś jašče foty z učastkaŭ, jakija dasyłajuć nam našy čytačy.
Fantastyčnyja čerhi ŭ Minsku ŭ druhoj pałovie dnia. Na niekatorych učastkach - na sotni mietraŭ. Jak paviedamlajuć karespandenty Našaj Nivy ź miescaŭ, bolšaść paśla abiedu - ludzi ź biełymi stužkami.
Karespandenty Našaj Nivy abviarhajuć śćviardžeńnie Jarmošynaj, što pratestny elektarat zajmaje kabinki na 30 chvilin. Byli siońnia na 30 učastkach, ni na adnym nie bačyli ludziej, jakija b zajmali kabinku na 30 chvilin ci navat na 2 chviliny. Čerhi tłumačacca rekordnaj jaŭkaj, skazali nam členy ŭčastkovych vybarčych kamisij u Minsku i Minskim rajonie.
Ciapier čytajuć
Danyja pakupnikoŭ upryhožańniaŭ Belaruskicry mahli trapić u ruki siłavikoŭ. HUBAZiK pahražaje kryminałkaj za novyja zakazy6
Danyja pakupnikoŭ upryhožańniaŭ Belaruskicry mahli trapić u ruki siłavikoŭ. HUBAZiK pahražaje kryminałkaj za novyja zakazy
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3939
Kamientary