«Krumkačy» pieraličać vyručku ad biletaŭ siońniašniaha matča z «Dynama» paciarpiełym ad hvałtu suajčyńnikam
Siońnia «Krumkačy» zhulajuć matč Kubka Biełarusi pa futbole suprać minskaha «Dynama». Hulnia projdzie na pole kompleksa «Alimpijski», što pa adrasie Surhanava, 2a, i pačniecca a 16:00. Matč projdzie z hledačami. Kali nie admieniać, viadoma.
Nahadajem, što ŭ niadzielu Biełaruś ablacieła žudasnaja historyja zatrymańnia dvuch hulcoŭ «Krumkačoŭ» Siarhieja Kazieki i Paŭła Raskolki ŭ centry horada padčas akcyi pratestu. Jany byli źbityja i zatrymanyja. Tolki šyroki rozhałas i abureńnie dazvolili vyzvalić chłopcaŭ, u druhoj pałovie dnia paniadziełka jany vyjšli na volu, a kryminalnaja sprava ŭ dačynieńni da ich spyniena.
Kłub sustreŭsia ź nievierahodnaj chvalaj salidarnaści, atrymaŭšy vialikuju kolkaść ciopłych słoŭ i prapanoŭ dapamohi.
«Hety fakt jašče raz paćviardžaje, jaki ž cudoŭny i družny biełaruski narod! Tolki dziakujučy vam kamanda ŭpeŭniena vyjdzie na pole zmahacca da apošniaj chviliny matča, niahledziačy na surjoznyja pieraškody, — havorycca ŭ zajavie «Krumkačoŭ». — My čakajem usich, chto maje žadańnie pazaŭzieć za našych chłopcaŭ i nablizić kamandu da mary. Davajcie zapoŭnim trybuny «Alimpijskaha» i pakažam, jakuju padtrymku maje samaja narodnaja kamanda krainy! Ale heta jašče nie ŭsio.
Srodki ad prodažu kvitkoŭ na matč «Krumkačy» — «Dynama-Minsk» my adpravim na dapamohu paciarpiełym ad hvałtu suajčyńnikam. Takim čynam, naviedvajučy matč, vy zrobicie adrazu dźvie vielmi dobryja spravy! My vas vielmi lubim i čakajem na stadyjonie!»
Nahadajem, što «Krumkačy» raniej vystupili suprać hvałtu, vyjšaŭšy na adzin z matčaŭ u majkach «My — z narodam». Fiederacyja futboła dała kłubu za heta papiaredžańnie.
Ciapier čytajuć
Maŭrykij, Siejšeły, Šry-Łanka i nie tolki: pahladzieli, kudy źbiehli ad biełaruskich marazoŭ praŭładnyja artysty i viadučyja13
Kamientary