pixabay.com
Rašeńnie ab pieranosie dziejnaści ŭ Łatviju pa stanie na 15 vieraśnia pryniali 12 biełaruskich kampanij, jakija pradstaŭlajuć halinu infarmacyjnych i kamunikacyjnych technałohij, a taksama «zialonuju» enierhietyku, paviedamili ahienctvu BNS u Ministerstvie ekanomiki Łatvii.
Hetyja kampanii płanujuć pieravieści ŭ Łatviju kala 470 supracoŭnikaŭ, u asnoŭnym pradstaŭnikoŭ kiraŭnictva i klučavych śpiecyjalistaŭ.
Ministr ekanomiki Łatvii Janis Vitenbierhs adznačyŭ, što ciapier prapracoŭvajucca rašeńni dla taho, kab biełaruskija kampanii, jakija pryniali takoje rašeńnie, mahli jak maha chutčej pieranieści svaju dziejnaść u Łatviju.
Stvorana śpiecyjalnaja kamanda, u jakuju ŭvachodziać pradstaŭniki Ministerstva ekanomiki i Łatvijskaha ahienctva inviestycyj i raźvićcia, jakija ŭ supracoŭnictvie ź inšymi ŭstanovami ŭ paskoranym paradku razhladajuć zajaŭki biełaruskich pradprymalnikaŭ i prapanujuć mahčymyja rašeńni, u tym liku vydaču vidaŭ na žycharstva, adkryćcio bankaŭskich rachunkaŭ i inšaje.
Ministr paviedamiŭ, što paralelna viadziecca praca z łatvijskimi finansavymi ŭstanovami, kab znajści kampramis i stvaryć «zialony kalidor» dla zachodu zamiežnych kampanij u Łatviju.
U suviazi z unutranym kanfliktam u Biełarusi na siońnia viaduć kansultacyi ab pieranosie dziejnaści ŭ Łatviju 116 biełaruskich kampanij i pryvatnych asob. Hetyja kampanii ŭ Biełarusi pracaŭładkoŭvajuć bolš za 4 tysiač čałaviek.
Ciapier čytajuć
U Tajłandzie źnikła anlifanščyca ź Pinska. Jaje mahli pradać u Mjanmu5
Kamientary