Źmienienaja miera strymańnia čatyrom ź piaci fihurantaŭ «spravy «Biełciažmaša». Pad vartaj zastaŭsia kiraŭnik deviełapierskaj kampanii Ihar Aniščanka. Pra heta TUT.BY paviedamiła infarmavanaja krynica.
«Čaćviora čałaviek vyjšli na volu pad padpisku [ab niavyjeździe i naležnych pavodzinach]. Pad vartaj pakul zastaŭsia Ihar Lvovič [Aniščanka]», — skazaŭ surazmoŭca.
Nahadajem, ranicaj 16 vieraśnia pradstaŭniki pravaachoŭnych orhanaŭ pryjšli ŭ ofisy hrupy kampanij «Biełciažmaš», jakimi kirujuć biźniesmieny Ihar, Alaksandr i Dźmitryj Aniščanka. U čalcoŭ siamji Aniščanka prajšli pieratrusy i pa miescy žycharstva. Uviečary taho ž dnia źjaviłasia infarmacyja, što ŭładalniki i dva top-mieniedžarf hrupy kampanij «Biełciažmaš» zatrymanyja.
Departamient finansavych rasśledavańniaŭ KDK padazraje kiraŭnictva «Biełciažmaš» va ŭchileńni ad vypłaty padatkaŭ na sumu bolš za 6 młn rubloŭ. Siłavikam nie spadabałasia, jak deviełapier skarystaŭsia sproščanaj sistemaj padatkaabkładańnia.
Zatrymańnie kiraŭnikoŭ «Biełciažmaš» adbyłosia praz tydzień paśla taho, śpiecsłužby apiačatali pamiaškańnie štaba Viktara Babaryki. Kamanda byłoha kiraŭnika Biełhazprambanka, jaki ŭ traŭni abviaściŭ pra svaje prezidenckija ambicyi, zdymała ofis u budynku pa vuł. V. Charužaj, 25/1, jakoje zdaje ŭ arendu «Biełciažmaš». Paźniej tam raźmiaščałasia i Kaardynacyjnaja rada.
Śpievaka z «Marafonu adzinstva» asudzili za palityku — pryhadali kamientary 2020-ha. Baranić u sud jaho chadzili siostry Hruździevy16
Kamientary