Arkiestr «Charošak», hukarežysiory ansambla i niekalki čałaviek z baleta admovilisia vystupać na apuściełaj scenie Kupałaŭskaha
Biełaruski fond kulturnaj salidarnaści paviedamlaje, što arkiestr ansambla «Charoški» admoviŭsia ad vystupaŭ na scenie Kupałaŭskaha teatra. Kancerty płanavalisia 15-16 kastryčnika.
Dapaŭnieńnie. Paśla 17.00 źjaviłasia paviedamleńnie ab tym, što ŭ kancertach admoviŭsia ŭdzielničać nie tolki arkiestr, ale i hukarežysiory ansambla i niekalki čałaviek z baleta.
Čytajcie taksama:
«Heta buduć tancy na kaściach»: Pavieł Łatuška zaklikaŭ ansambl «Charoški» nie vystupać na scenie Kupałaŭskaha
«My vielmi zakłapočanyja situacyjaj vakoł pavažanaha i viadomaha na ŭvieś śviet ansambla «Charoški», — havorycca ŭ zvarocie Biełaruskaha fonda kulturnaj salidarnaści. — Dyryžor ansambla «Charoški» Ivan Jeramiejevič padpisaŭsia pad adkrytym listom dziejačaŭ kultury i siońnia byŭ zvolnieny sa svajoj pasady.
U kalektyvie praz administracyjny cisk adbyvajecca raskoł.
Ivana prymusili syści z-za jahonaj hramadzianskaj pazicyi, tych, chto zastaŭsia, schilajuć da łajalnaści i štrejkbrechierstva. Mienavita tak možna rasceńvać nastojlivuju prapanovu ad Ministerstva kultury «Charoškam» zajhrać dy stančyć na apuściełaj scenie Kupałaŭskaha teatra, razahnanaha režymam na svajo 100-stahodździe.
Heta prapanova - vidavočnaja sproba znoŭ padzialić dziejačaŭ kultury na «svaich» dy «varožych», krok suprać kupałaŭcaŭ, što zmahajucca z uładnym hvałtam i ciskam.
My viedajem, što arkiestr ansambla admoviŭsia ad zapłanavanych na 15 i 16 kastryčnika vystupaŭ u Kupałaŭskim teatry. Kancerty buduć prachodzić pad fanahramu, što haniebna dla ansambla, jaki zaŭždy pracavaŭ z žyvym hukam.
Prykra, što ŭ prahramie kancerta zapłanavany vystup dziciačaj studyi «Charošak». Niekatoryja baćki nie chočuć, kab ich dzieci vychodzili na scenu.
Kali vystup «Charošak» na scenie Kupałaŭskaha ŭsio ž adbudziecca, heta nazaŭsiody zastaniecca brudnaj plamaj u historyi kalektyvu i zabiaśpiečyć jamu sumny status «zdradnikaŭ». Jaho mižnarodnaja reputacyja budzie niepapraŭna sapsavana.
Zaklikajem udzielnikaŭ «Charošak» i asabista Narodnuju artystku Biełarusi Valancinu Hajavuju admovicca ad hetaha vystupu i takim čynam prajavić salidarnaść z kupałaŭcami, zvolnienym dyryžoram svajho kalektyvu i ŭsimi dziejačami kultury, paciarpiełymi z-za svaich pierakanańniaŭ.
U svaju čarhu my hatovyja ŭsiebakova padtrymać udzielnikaŭ «Charošak» i abaranić ich ad administratyŭnych represij.
-
Maksim Znak apublikavaŭ svaje muzyčnyja zapisy na stryminhach
-
Kali ŭ 1979‑m «Kałasy pad siarpom tvaim» vyjšli pa-rusku nakładam 100 tysiač asobnikaŭ, imi handlavali minskija taksisty. Nastolki papularny byŭ Karatkievič
-
Pryckieraŭskaja premija 2026 hoda dastałasia čylijcu, jaki stvaraje miražy. Jaho estetyka krochkaści pieramahła manumientalny pafas
Ciapier čytajuć
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?20
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci33
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci3
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3333
Kamientary