«Heta buduć tancy na kaściach»: Pavieł Łatuška zaklikaŭ ansambl «Charoški» nie vystupać na scenie Kupałaŭskaha
Siońnia i zaŭtra płanujecca vystupleńnie ansambla «Charoški» na scenie Kupałaŭskaha teatra. Eks-dyrektar teatra Pavieł Łatuška źviarnuŭsia z hetaj nahody da kiraŭnika ansambla Valanciny Hajavoj. Zvarot apublikavany ŭ jaho telehram-kanale.
«Vychodzić z tancami ŭ teatry ŭ toj momant, kali ŭ krainie siadziać palitviaźni, kali ich katujuć u turmach, kali zvalniajuć dziejačaŭ kultury, sportu, miedycyny tolki za hramadzianskuju pazicyju — heta ładzić tancy na kaściach.
Ja źviartajusia da ansambla «Charoški», da Hajavoj Valanciny Ivanaŭny, narodnaj artystki i mastackaha kiraŭnika ansambla, admovicca ad vystupaŭ u zakrytym Kupałaŭskim teatry.
Zaŭsiody treba pamiatać, što ŭ žyćci nie ŭsio pradajecca i kuplajecca. Nia treba maładušničać i demanstravać psieŭda-fiłantropiju.
Tolki admova ad vystupaŭ u domie kupałaŭcaŭ dazvolić ansamblu «Charoški», jak i lubomu inšamu kalektyvu, zachavać svaju prafiesijnuju reputacyju i čałaviečy tvar.
Pieršymi, chto vierniecca na scenu Kupałaŭskaha teatra, pavinny być Kupałaŭcy.
Inačaj heta zdrada kultury i paciarpiełamu narodu Biełarusi, bo «Kupałaŭski» — heta nie prosta imia, heta mahutny simvał nacyjanalnaj kultury, jaki abjadnoŭvaje biełarusaŭ».
Kamientary