Akramia Minska, u inšych haradach krainy taksama prajšli akcyi pratestu.
Padčas akcyi pratestu ŭ Lidzie byŭ užyty ślezaciečny haz. Byli zatrymanyja «niekalki dziasiatkaŭ čałaviek».
Pavodle pravaabaroncy Ramana Kiślaka, siońnia ŭ Breście zatrymali nie mienš za 40 čałaviek, piša Bresckaja hazieta.
Niekalki dziasiatkaŭ hrodziencaŭ sabralisia pad Leninskim RAUS. Ludzi paviedamlajuć, što zatrymanych kala 80-100 čałaviek. Supracoŭniki kažuć pra 78 zatrymanych, ale śpisy jašče niapoŭnyja. Niekatorych pavieźli ŭ Kastryčnicki RAUS, piša Hrodna.life.
U Barysavie zatrymana nie mienš za 17 čałaviek. Jak paviedamili pravaabaroncy, siłaviki zatrymali ludziej kala miascovaha handlovaha centra Green.
Niekalki sotniaŭ čałaviek sabralisia na marš i ŭ Viciebsku. Kala 17:00, kali kałona stała razychodzicca, byli zatrymańni, paviedamlajuć NNV.
U Połacku i Navapołacku, jak i pa ŭsioj krainie, prachodzili akcyi pratestu. U haradach-susiedziach utvarylisia kałony, jakija sprabavali zładzić marš pa vulicach. Ale supracoŭniki milicyi pieraškadžali hetamu. Nie abyšłosia biez zatrymańniaŭ. Vidavočcy adznačajuć, što zatrymańni byli dastatkova žorstkimi, z vykarystańniem dubinak, piša gorod214.
U Homieli ludzi hulali nievialikimi hrupami pa vulicy Savieckaj. Siłaviki, jakija dziažuryli amal na kožnym pierakryžavańni ŭ centry, nie davali ŭdzielnikam akcyi sabracca ŭ kałonu. Mocnyja naviny paviedamlajuć pra minimum 10 zatrymanych u abłasnym centry.
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza14
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1616
Kamientary