«Zatrymali. Ceły. Aleś»: jak u Hrodnie zatrymali historyka Alesia Kraŭceviča
U niadzielu, 25 kastryčnika, u Hrodnie padčas razhonu mirnaj akcyi pratestu siłaviki zatrymali historyka i archieołaha, prafiesara Alesia Kraŭceviča. Ciapier jon znachodzicca ŭ IČU, raskazvaje «Jeŭraradyjo» jaho žonka Taćciana:
— Ja nie bačyła, jak jaho zatrymlivali. My razam stajali ŭ sčepcy, paśla krychu adyšli — i jakraz na nas pajšoŭ AMAP sa ščytami. Pačałasia mituśnia, ja muža spačatku bačyła, a paśla jon źnik. My damovilisia, kali što, sustrecca kala mašyny. Ja čakała jaho paŭtary hadziny i paśla ŭžo pajechała ŭ RAUS, — dzielicca Taćciana.
Spačatku ŭ milicyi nie było nijakich śpiskaŭ zatrymanych. Hrodziency pakazvali fotazdymki svaich blizkich tym, kaho adpuskali z RAUS. Tak Taćciana i daviedałasia, što jaje muž siarod zatrymanych.
— Paśla ŭžo ad Alesia dajšła esemes, jakuju jon napisaŭ u aŭtazaku. Tam było try słovy: «Zatrymali. Ceły. Aleś». Uviečary ŭ RAUS mnie skazali, što jon budzie znachodzicca ŭ IČU. Ciapier jedu tudy. Suda jašče nie było. Nieviadoma, ci budzie.
Nijakaj padrabiaznaj infarmacyi nie dajuć: «Zvanicie, čakajcie…» Advakata taksama pakul niama. Spadziajomsia na štraf ci na toje, što, moža, jaho adpuściać, — raskazvaje žonka prafiesara.
Pavodle źviestkak pravaabaroncaŭ, u Hrodnie ŭčora zatrymali kala 80 čałaviek. Usiaho pa krainie — 523 čałavieki.
Historyki vystupili sa zvarotam suprać zatrymańnia Alesia Kraŭceviča
Ciapier čytajuć
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim12
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3333
Kamientary